بسم الله الرحمان الرحيم
الخميس
ماحجيت كبل طلعت راسي كبل گب نار عرفت صعد ضغطي ، انتظرت اسيل بل نص ساعه يلا جابتهن اخذتهن شمرتهن بيت سرمد منا كبل رحت لـ ثائر ومددت علئ الكرويته :- راسي يوجعني قيسلي الضغط بوييه راسي بويه
ثائر : اسكت ولا تتحرك خلي اقيسلك الضغط مو مثل كل مره شالع گلبي
- ولك خويه راسي راح ينفجر
- اي بس اسكت لا تحجي ولا تتحرك راح اعيده لا تتحرك
- اااخخخ راسي اني متت
- بطريس لا تحجي نزل ايدك
- اي بس راسي
ثائر : اسكتتت بس اسكت صار اربع مرات اعيد القياس اسسككتتت
سكتت وهوا قاسلي :- ضغطك ١٥ علئ ٨ زين بس العالي صاعد ٣ درجات
- راسي يوجعني اتخربطت كلش
- اي فهمت اكلك شنو سالفه البنيه الجايبها اولت البارحه
- منين سمعت بيها
- ولله ام فرح اجتي لامي وحجتلها وامي ماصدكت عود داكه علئ امك وكالتلها بيت ابو حمزه وبيت ابو قصي نسوانهم وبناتهم شايفين البنيه وامي تريد اليوم تروح وتشوفها خابصتنه تكول لا تطلعولي شغله عوجه وعود البنيه خلوقه وحلوه وهاي رقيه تكلي اذا تدخل دربونه ابو احمد تطلكني
- ااخخخ راسي
- اي احجيلي شصاارر بيومها؟
- خلي سرمد لو حمزه يحجيلك اني راسي يوجعني
هوا عافني وكعد علئ الكرسي خابر علئ سرمد وكله مسافة الطريق واني يمك نص ساعه وصل سرمد
سرمد : ها بطريس شبيك؟
ثائر : راسه يوجعه عوفك منه كلي شنو السالفه
سرمد : دوكف خلي ارتاح
ثائر : ارتاح
سرمد : بالبدايه خلي اكللكم اني اتعينت
بطريس : منها ونفرح بيك
ثائر : الف مبروك خويه ولله فرحتلك
سرمد : اي من السبت اداوم بالمستوصف والجمعه ماداوم شوف واكمل دوامي عادي ، والسبت لازم اروحلهم واشوف شغلي شلون يصير
أنت تقرأ
بطريسـا
ChickLitالرواية عن شخص بغدادي الاصل ، يحب فتاة ويفتقدها عند موتها ، يهتم كثيرًا في وصيتها ، يكمل حياته بحثًا عن الراحه ، حيث لا يجدها . 2022/11/11 بداية الكتابة بدون نشر .
