بسم الله الرحمان الرحيم
بطريس : ما ما ، يابه اريد اكلك شي قبل لا اشمر روحي
حجِي كريم : شنو كول
بطريس : كول ولله ما تكتلني من اكلك
حجِي كريم : احجي فضني شكو
بطريس : بويه اني احب اكلك اني اجيت اهنا حتئ اعترفلك حتئ ما تغضب عليه وتسامحني بويه
حجِي كريم : احجي شمسوي يا طركاعه جايب
- بويه اني اغار منك لان لله يحبك وعندك وقت لعباده رب العالمين كول باريني الذمه
حجِي كريم : باريك الذمه
- عيدها من گلبك حتئ اكمل
حجِي كريم : وحق ولاية علي باريك الذمه كمل
- بويه اني ابو توثيه كول راضي عليك وباريك الذمه
حجِي كريم : كمل كمل شكو بعد
- دكول راضي عليك وباريك الذمه
حجِي كريم : راضي عليك وباريك الذمه
- مو من گلبك
حجِي كريم : وحق القرآن راضي عليك وباريك الذمه
- اي ، بويه اني شفت رسمت عيونها بس ماشفت لونهن كول باريني الذمه وراضي عليه
حجِي كريم : يمته هاذ الحجي
- من رحنه للكاظم عليه السلام وهناك من اخذت الغراض شفت رسمت عيونها بس ولله مو بقصدي كول باريني الذمه حتئ اكمل وهاا من گلبك
حجِي كريم : اني باريك الذمه كمل
- بويه اني اخذت عنوان عمامها من كرار ابريني الذمه
حجِي كريم : باريك الذمه
- اريدها من گلبك
هوا كعدت علئ الجسر وخله ايده علئ راسه
- وحق هاذ ربي باريك الذمه كمل
انتجيت علئ السياج مال الجسر وكلتله :- بويه اني شكلت الواير مال كهرباء بالباب ونتلت عمامي من دكوا الباب يردون يتعاركون ويه امي لان طردت عمتي كول باريني الذمه وتحبني
هوا ما حجه اني غمضت عيوني وانتظرت يرد هيج كم دقيقه فتحت عيوني واشوفه كدامي كضني من ياختي وكفخني راجديات
- ابن الكلب ابو توثيه وناتل عمامك انعل والديك تعالوا طلعوا خلي انهي طلعوا ولك خايس
أنت تقرأ
بطريسـا
ChickLitالرواية عن شخص بغدادي الاصل ، يحب فتاة ويفتقدها عند موتها ، يهتم كثيرًا في وصيتها ، يكمل حياته بحثًا عن الراحه ، حيث لا يجدها . 2022/11/11 بداية الكتابة بدون نشر .
