بسم الله الرحمان الرحيم
انطاها ضهره وكال الها :- اذا تتراجعين عن قرارج من الزواج مني ، تبقين بنت عمي ، وابقئ سند الج من بعد الله ، واذا تبقين على قرارج وترديني زوج الج "شريك حياتج " ، اني انطيج روحي ، وكامل الاحترام الج ، والتقدير لتستحقينه ، واتشرف بيچ ، وارفع رأسي ، بدون خجل مني ، ما تتغير نظرتي الج شما چان قرارج ...
ياقوت كامت وكفت كدامه :- موافقة اصير مرتك ابن عمي
هوا دمعت عينه ، وام فاطمة تهلهل :- هاي الرادها وهاي انعجب بيها ، وهاي الكال لامها روحي خطبيها ككلللوووششش
زهراء : بنت الشيخ لابن الشيخ جبناها هاي الرادها وهاي التمناها كككلللوووششش
ياسين : ها خوتي ها صبه ومصبوبه .. الخوه البيني وبينك ، صبه ومصبوبه
يامين ، موسئ ، قيس ، محمد : الخوه البيني وبينك صبه ومصبوبه
زهراء : بنت عمنه واختنه تصير جنتنه .. ومنريد الغريبه تدوس عتبتنه
ياسمين وامها ضاجن :- ولج بويه مو اكوملج
زهراء : يا يا هاي كوله يا معبالي راح تاخذينها على روحج سوسايه حبيبتي
فاطمة : اخونه خوش اخو يستاهل الهوسه .. اريد اركص ركص واكسر الكاشيه احنى اهل الولد موش اهل البنيه
ام فاطمة : الف على خير يحلوه يمزيونه .. واخذتيلج سبع من فدوه لعيونه
موسئ وكف كبال اخوي :- مساء الخير يهل الدار اجينه نريد جنتنه
كاظم فرحان :- اخذوها
فاطمة : هوسه للعريس لا يزعل .. ابيض ، ابيض ويخبل وكل القوط اتلوك اعليه ابيض ويخبل
همه يدبچون وعبالك مو بقاعة وناس مثقفين :- اكلك اذبهم بالشارع احسن ، فضحونه قاعة وجاي يدبچون ، همزين احنئ بالطابق الارضي جان طحنئ وعلي
كاظم : كوم هوس لبنتي كوم
بطريس : اي عيني فرحان اخذ بنته لابني الجبير ، ما اهوس لبنتك اهوس لياسين ومريته
هوا يضحك واني كمت اهوس ، واسوي حميصه
- العروسه العروسه بويه .. عيون الغزال عيون جنتنه صلوا على النبي الصيده صيدتنه
ياسمين مبتسمه ، وام فاطمة حايره المن تهوس :- هارون بويه اكعدوا انتم هسه ، بس تصير العصر تبدي خطبتكم ، خطيه اخوك اليوم عرسه خلي يفرح
هارون : اي يابه تدلل
بطريس : ام فاطمة وينج مو احجي التهي ويه العروسة ، عوفي ياقوت هسه
ام فاطمة : اي والله انخبصت
فاطمة : ياسين شايل رايته وعايف بنات ولايته .. ياسين شايل رايته وعايف بنات ولايته
أنت تقرأ
بطريسـا
ChickLitالرواية عن شخص بغدادي الاصل ، يحب فتاة ويفتقدها عند موتها ، يهتم كثيرًا في وصيتها ، يكمل حياته بحثًا عن الراحه ، حيث لا يجدها . 2022/11/11 بداية الكتابة بدون نشر .
