بطريسـا

Bart 33

بسم الله الرحمان الرحيم

علاوي نزل جوئ وصعد وبيده سجينه :- اليوم اذبحج ولج احنئ كواويد ملفين وحده كـ'حبه بالبيت تصادقين ولد ذبحتج حلال على ايدي

سديت الباب وهوا دفع ياسين وضربته راجدي لزكته ويه الحايط ونزلته جوئ :- تمد ايدك على ياسين .. امشي اطلع برئ اطلع انتَ الكـ'حبه ، امشي اطلع

علاوي : وخر هاي عار علينه

بطريس : ماكو غيرك عار امشي اطلع ساقط مهتلف اطلع لا انهيك مسربت

طردته من البيت ودخلت ضليت كاعد جوئ يم ياسين الولد صارت بي حاله نفسيه من يمهم مايتوبون منه

ياسين : يابه مو كلتلك خلي نرد لبيتنه

بطريس : بويه تعيش وحدك تكدر تعيش ، اني ماكدر ارجع 

ياسين : يابه وين اكدر اعيش بدونك

بطريس : اصبر بويه والله امشيهم على سراط المستقيم بس لا تضوج ، والله بس تضوج گلبي يكوم يوجعني ، ماتحمل اشوفك ضايج يابعد عيوني بويه

ياسين : لا يضل بخاطرك بويه اني رايح اقره احياء

بطريس : روح بويه الله يحفظك الي روح

هوا دخل لغرفتنه واني كمت سويتله ماعون مشكل فواكه ، ودورت على البطل مال عصير مالكيته ، خليتله مي وترستله ماعون كرزات وخليته يمه ، وانطيته المبايل يباوع بي ، سويتلهم غده واكلنه كلنه ، وياسين كاعد وحده بالغرفة

بطريس : بويه اذا هاي ادخلوا اقروا لو اكعدوا باعوا ويه اخوكم  ، اني رايح احجي ويه اختكم زهراء

يامين : بويه اني رايح للشغل من رخصتك لا يضل بالك عليه بس اخلص ارجع بسرعة ما اتاخر

بطريس : اي تريد هارون يوصلك؟

يامين : لا عادي اروح وحدي

هارون : بويه اني اوصل يامين وارجع ما اتاخر

بطريس : يلا بويه روحوا الله وياكم

موسئ حظني وطب للغرفة يم ياسين ، اخوي كاعد بغرفته ابتسلمي ، واني صعد فوك دكيت الباب وهيه ماردت :- بويه زهراء افتحي اني عمج وبمثابة ابوج مو غريب يابويه

تشاهك وتحجي :- تريد تكتلني مو والله ما افتح الباب

ابتسمت :- لا بويه بس افتحي الباب خلي نحل السالفة بيناتنه ، ليش امج تجي وتكتلج؟ ... ليش ما اني احلها وفضت راحت بدون مشاكل

هيه فتحت الباب وخايفه :- عمو

بطريس : ياعيون عمو لا تبجين هسه احلها الج

زهراء : والله هوا ضل يلح يلح واني فتحت اتصال ارزله وداعتك ، و هوا لعب بعقلي وخلاني اسوي هيج

بطريس : اني قابل مادري هيه هاي سوالفهم ، يلعبون بعقل البنات ويدمرون حياتهن ، هسه اكعدي خلي نحجي