بسم الله الرحمان الرحيم
عمر : هاذ ابنهم خاطفله وحده من ابن عمها ويتبله عليهم غير خطيه عمها محروك كلبه عليها وابن عمها مطلك مرته لان حاجيه عليها بس هاذ شسمئ بطريس هوا لازكلها يريد يشبع منها ، صدكني ...
اني شفته خال ايده علئ الحايط ومنتجي طلعت بسمار عريض وطويل ورحت خليته علئ ايده وكيته بالجاكوج ضل كاض ايده ويكمز و وائل وابن ام حمصه داروا وجهم ومشوا ولا جنهم يعرفونه
هوا راح لبيته يدك بالباب وابوي يسئلة :- شبيك عمو شبيها ايدك منو سوئ بيك هيج
هوا بلكوه كال كلمه :- ابنك
سويت روحي اشمر الجاكوج هوا روحه ماعت انفتح الباب وكع بالكاع :- هاذ شجاي يحجي ولك
ابو عمر : عمر هاي شبيها ايدك بابا احجي ، زاهده جيبي السويج بابا ولج استعجلي
عمر : راح اموت يابه
- الما يتحمل البـسمار لا يجفصَله بحچـاية
سرمد : عاش خويي صح لسانك
ابوه صعده بالسيارة واخذه وابوي طب وكعد باب الاستقبال وخال ادي علئ راسه :- احجيلي
- بويه سرمد دزلي جلو وكال تعال اني رحت وسمعت عمر يحجي عليه وعلئ البنيه
حجِي كريم : شحجه؟
- حجه شي لساني يستحي يكوله
حجِي كريم : دمشي غسل من الدم البديك وكمل الكلوب حتئ نشغله باليل الجلاب خاف تعضلها واحد باليل
- اي يابه هسه
اني غسلت ونشفت ورحت دكيت البسامير :- سرمد
سرمد : ها
- شلونها؟
سرمد ذبله حسره شكبرها :- تكلي اخجل من اكعد كدام ابوي ... اكللها ليش تكلي مادري اخجل حيل
- والله هل نسوان عيارات صحلها رجل كالت اعور
سرمد : دخلي تصير هل قسمه بويه اطلع القضه والمضه بابوها شوف شكد مخليني منتظر رده ااخخ
- دكول يالله ابوي سنتين يلا انطه اسيل للاحمد تذكر لولا من اسيل جان عمرها ١٥ يتوسل بي لحد ما صارت ١٧ يلا انطاها اله
- انتَ بيش مفاولني وجه الفكر
- دولي ماينحجي وياك غيرك يبوس ايده وجه وكفه
عفته ورجعت الجاكوج لمكانه وجبت لابوي مي شرب وانطاني الكلاص رجعته وحميت الجاي وانطيته
حجِي كريم : روح امك تريدك كالت من يخلص خلي يجي احجي ويا
- اي يابه رايح
أنت تقرأ
بطريسـا
ChickLitالرواية عن شخص بغدادي الاصل ، يحب فتاة ويفتقدها عند موتها ، يهتم كثيرًا في وصيتها ، يكمل حياته بحثًا عن الراحه ، حيث لا يجدها . 2022/11/11 بداية الكتابة بدون نشر .
