بسم الله الرحمان الرحيم
ابو داوّد يهدي بي واني فرغت البقه من الاكل بماعون وانطيته للبطات :- اكلن بعد روحي
حجِي كريم : اتفضل ابو داوّد من تكلي على كيفك ويا بعده شاب ويغلط هاي تصرفات ابن واعي هاي مال واحد مخبل
ابو داوّد : لعد احنى ليش نصيحله مخبل بالدربونه هوا غير مخبل
حجِي كريم : استغفر الله واتوب اليه ، ولك بس تعال خلي اكتلك واريح گلبي متكلي شبيك
- شنو تكتلني جاهل اني مزوج اربع نسوان
حجِي كريم : اربع نسوان ولك ابن النعال وين لكيتهن اني ابوك مامزوج اربعه دور انتَ تزوج يا طركاعه مزوج اربعه سمعت ولك راح تخبلني ابن النعال تزوج وماتكلي ولك صاير زلمه وتزوج وهاي البنيه كسرت ركبتها بيك وتزوج عليها
- اي
هوا كام و ابو داوّد سانده :- يابه شبيك ..
حجِي كريم : ولك ابن النعال وكفت گلبي
ابو عباس : ولك خالي تحجي صدك وينهن
- خالي وعلي يشكن شك كل وحده اضرب من الثانيه
ابو مرتضئ : هاذ يحجي صدك لو يشاقه؟
حجِي كريم : تعال
- تريد تشوفهن
حجِي كريم : جاي اكلك تعال
اني فتت جوئ وجبتها وهيه تبجي :- شوف هاي مرتي الاولئ هاي دموعها دجله والفرات
هيه مسحت دموعها و تضرب بيه :- الله لا يوفقك مزوج عليه ثلاثه
- وهاي الثانيه العصبيه
حجت بصوت ناصي :- شو انتَ كمت تمضرط
- وهاي الثالثه المخبله تشبهني كلش
هيه ابتسمت وحكت خشمها :- وهاي الجميلة على كلشي تخجل هاي المدللـه
حجِي كريم : شوف هل ساقط هاذ شسوه بيه من احط القندره بحلكه اكو واحد يكلي ليش
ابو داوّد : هسه هاي لازم تحجيها ويه مرتك مو كدامنه ههههاااهاها
سيد خضر :عفيه متخرج من مدرسة العشك عاااش
- الغرام سيد الغرااام
حجِي فرحان : هاي اليوم راح احجيها لمرتي اليوم والله حلوه عجبتني
حجِي كريم : استغفر الله واتوب اليه .
ابو داوّد : حب يصالح مرته بهاي الطريقه هوا هاذ ابنك ماتعرفه
حجِي كريم : لا ما اعرفه لا ابني ولا اعرفه منين اعرفه
همه يحجون ويا وهيه مبتسمه وتباوع عليه
- دمشي مرة ثانيه ازوج عليج من صدك
أنت تقرأ
بطريسـا
ChickLitالرواية عن شخص بغدادي الاصل ، يحب فتاة ويفتقدها عند موتها ، يهتم كثيرًا في وصيتها ، يكمل حياته بحثًا عن الراحه ، حيث لا يجدها . 2022/11/11 بداية الكتابة بدون نشر .
