بسم الله الرحمان الرحيم
حظنتها حيل :- شلون انطاج گلبج تعوفيني ليش كلتيلي اداريهم مو اريد اجي وياج ماكدر بدونج تدرين بيه ماعيش بدونج ليش هيج ظلمتيني عبالج همه يكضوني والله ما يكضوني هسه اموت روحي اريد اجي يمج ماعوفج اني مخبل ماعيش بعد دقيقة هسه اموت روحي
سرمد عاط بيه :- اي خليها بكبرها معلعله على جهالها لان الامنت بي طلع مو كد الامانه الحبته طلع مو مال تأمن جهالها بحظنه روح طم رأسك بجيريه
- لا اني كد الامانه بس ماتحمل بدونها الدنيا ماكدر
سرمد : هذوله من ريحتها هذوله جهالكم معقولة ماجنت تحبها وهيج بزرها مو عزيز وتخلي يتهجول بالشوارع وبهل قصف
- والله احبها محد حاس بحساسي ماكدر بدونها
شلتها وطلعت خليتها بالسيارة ورجعنه للبيت غسلتها ودموعي ماسكتت ، شلون اخليها بحظان التراب بثنين اديه شلون ياناس شلون؟
جفنتها وخليتها بالتابوت وعساني اني بالتابوت قبلها :- من طهارة گلبج وحلاوة روحج محد بجنازتج نفسه وسخه
خليت تشبع من بيتها يلا طلعتها منه ، بس اني وسرمد شايلين تابوتها ، جان وجها أبيض وشفايفها ورديه
هارون حجه بصوت ناصي وياسين كاض ايده :- بابه جووعان ياسين
شمس :- خويه اكو وراك سله بيها أكل
درت وجهي وطلعت الهم لفات جبن وانطيت لهارون وحده واخذت ياسين وخليته بحظني و وكلته وبن يامين نايم باوعت على كماط الطفل هم أسود كبل بجيت گلبي انلجم :- ياربي ليش بس جهالي كماطهم أسود
كبل الطفل ضل يبجي أخذته من ام مُلهم وخليته بحظني وبست رأسه :- كافي بويه لا تزيد عليه لراك امك هاد حيلي ومنتقم مني
نطقت الشهادات بأذنه وسميته موسئ :- شوفي ياعيني اول مره أسَمي ابنه وانتِ ما موجودة وياي شوفي شلون هاي اول كسرة اليه بفقدتج شلون لو اكضي للعمر كله بدونج اضل كل دقيقة انكسر بلياج " هيج هنت عليج؟"
وصلنه للنجف وبيه غصه ماكدرت أدفنها أبد ماكدرت بلكوه نزلت من السيارة
سرمد : خويه خلي مرتك ترتاح بگبرها لا تعبها وتخليها معلعله اوفي بوعدك الها وريح گلبها ، شلون ماهيه صبرت وياك وعاشرتك بالفطرة وما خانتك بفد يوم جازيها هسه وردلها معروفها وياك كل هل سنين الكضيتوها سوية على الحلوة والمرة
سمعت كلامه ومسحت دموعي بالغتره ورحت دفنتها بكاع واسعة ، ما ادري شلون كضيت گلبي ونزلتها بالگبر حظنتها ونزلتها على كيفي ضليت يمها ودكرتها بالشهادات ماخليت شي ماسويته قريت عليها خمس سور كاملة واعيدلها بيهن مارضت روحي تعوفها
أنت تقرأ
بطريسـا
ChickLitالرواية عن شخص بغدادي الاصل ، يحب فتاة ويفتقدها عند موتها ، يهتم كثيرًا في وصيتها ، يكمل حياته بحثًا عن الراحه ، حيث لا يجدها . 2022/11/11 بداية الكتابة بدون نشر .
