بسم الله الرحمان الرحيم
الاربعاء
كعدنه الصبح على صوت صياح واني ادور على المفاتيح ما لكيتهن ومره تصيح برئ :- افتح يا نصاب يا ماتخاف الله
- ياهوو برئ منو انتم
- افتح اذا انتَ زلمه
- اي زلمه غصبن على اهلك
يحجي يجر بحجيه :- اطلع اطلع مو خاتل ورئ البيبان
علي : شكو؟
عفت علي وصعدت فوك وجيتت عليهم من السطح وكضيته من ياخته :- لك شعدك يم داري من صباحية الله الفجر والاوادم نايمه
مرته تلعلع بلسانها واني ماكدر اتجاوز عليها يسوون سالفه عليه شكبرها اكتفيت بزمخه :- اسكتي لج لا اطلعلج النسوان اخليهن يجنزنج
هيه سكتت وهذوله الثنين يريدون يطلعون بطوالاتهم عليه بسطره كل واحد خورسته :- احجوا منو دزكم عليه شنو هل تفك هادينها عليه من صباحية الله خير
- انتَ بايك حلالي
- يا حلال لا تخليني اقره عليك التوبه
- الفرس حكي اني اشتريتها من ابو الكاع هاي وكعدت الصبح مالكيتها قبل اكثر من ٦ أشهر وما باريك الذمه هاي حلال اشتريتها بحك الغنم مالي
كومته من الكاع و علي فتح الباب :- عمي متأكد؟
- اي وحك هاذ ليشوفك ويشوفني
خليته يكعد هوا والوياه على الصبات وظيفتهم وكعدت احل السالفه :- الله بالخير عمي
- بقيت خير
باوعت على علي وبلكوه متحملهم :- شوف عمي هل فرس مافرط بيها وماكدر ارجعها الك
- شلون هيه غير حكي اشتريتها من صاحب هاي الكاع وهاذ كدامك ابنه متشوفه احجي عمي مو جنت موجود من ابوك باعها الي
- عمي خلي اخلص كلامي ، اني ما ارجعها راح اشتريها منك
هوا باوع على مرته واني اناظرهم هاذ يمشي بشور مرته يعني راح ينوخذ الوراي والكدامي هيه هزت راسها بـ اي وهوا كال :- ابيعها الك
- السعر عمي
طلب عليها كرفت فلوس وهم ما فرطت بيها دزيت على ابوي واشهود من المنطقة وام ماهر هم موجوده اجت بالصدفه وشهدت عليّ بأن هوا باعها الي وسند وبصم وقع وانطاني سبحته
حتى من وراهم اتأخرت على المحكمه والمدرسة دكت عليه كالت مالكيتك بمكتبك كتلها هسه اجي بسرعه كالت لا خليها بـ٣ خلصت كلشي وديت علي للمدرسة ورحت للمحكمه كملت كلشي ، تقريباً وصلت بـ٣ الها
كملت الاوراق وياها وصل وقت الجلسه
يوم ١٧ - ١٠ - ١٩٩٨
هم استلمت قضيه طلاق وهمزين طلعوا متفاهمين وماعدهم جهال ويردون بس يطلكون لان ابو الولد مايريد جنته موظفه يريدها تخدم بالبيت
أنت تقرأ
بطريسـا
ChickLitالرواية عن شخص بغدادي الاصل ، يحب فتاة ويفتقدها عند موتها ، يهتم كثيرًا في وصيتها ، يكمل حياته بحثًا عن الراحه ، حيث لا يجدها . 2022/11/11 بداية الكتابة بدون نشر .
