بسم الله الرحمان الرحيم
علي : تكول خاله رارنجية دخل حمزه على اخته زورك عينها طفاها زين اذا كدرت تفتحها بشهرين
- مسحن عقله للولد علي خويه دروسك حافظهن
علي : مثل أسمي
- عفيه راجعهن بدماغك
صار صياح وكلشي مانفتهم وطلع حمزه يركض وهوا وقاسم واجوا على جهتي والناس تهدي بي وهوا يدفع بيهم اني وخرت مرتي وشمس وانطيت فاطمه لعلي وسرمد واكف كبالهم يسئلهم شكو دفعوا ودخلوا بيت ابو ناصر وسرمد انحصر وشبع دفرات يريد يكوم ماكو وخرتهم منه وسندته وخليته يم علي والبنات
حجِي كريم : بطريس فكهم بسرعه بطريس احمدد وين ولك بويه سرمد امشي
اني دخلت وابوي يصيح على الناس توخر من طريقي بلكوه طبيت وفصلتهم عن ناصر حصلتلي كتله بلاش طب ابوي وام ناصر وبناتها يصارخن واخوان ناصر يشوفون ابوهم شبي ، احمد انطاني السويج و اني استغليت ابوي دخلت ويحل بينهم طلعت ناصر على كيف و بيت ابو محمد ماخلوا احد يشوفنه
طلعت ام حمزه وكضت ايدي :- ها خاله
ام حمزه : داخله بختك خاله اخذ نرجس قاسم مايخليها عايشه بطريس اخذها بداعت فاطمه على گلبك والله قاسم مايسكت مايرتاح اله يذبحها
وكفت بعيني دمعتها وصحت سرمد :- سرمد امشي تعال بسرعه علي يلا بسرعه اخذ البنات وروح
انطيت ناصر لـسرمد وعلي اخذ البنات وراح دخلت لبيت ابو حمزه وام حمزه وياي لفت بنتها بطانيه وانطتني جنسيتها وطلعنه وصلت لبيت ابوي ومرتي وفاطمه كاعدات بالصدر وعلي وناصر ليورئ كبل خليتها يمهم وسقت السيارة
- ناصر شنو سويت احجي
ناصر : ماسويت شي غلط والله
يحجي والدم يطفر من حلكه وفاطمه ترجف وخايفه كومتها وكعدتها بحظني ، انطيت المفاتيح لـعلي وصيته بس نوصل كبل ينزل ويفتح باب البيت ، وصلنه والتوتر والخوف مصيطر عليهم حتئ مشي مايعرفون يمشون
علي فتح الباب واني شلت نرجس ودخلتها وطلعت سندت ناصر ودخلته :- هسه راح يجون اني متأكد
وكفت كدامها والهث :- راح يجون حضري روحج لا تتوترين ابد ولا تحجين ولا تجفصين بحجايه ولا تحجين لاي وحده حتئ امي سمعتي
طبيت لغرفتي الجوئ وكلبت الجربايه وخرت المده وفتحت السرداب ونزلتهم طلعت وسديت الباب طببت الهم ماي :- راح تختنكون شويه بس لا تخافون مايصير الكم شي
همه هزوا راسهم مابيهم حرف ، سديت باب السرداب ورجعت المده وعدلت الجربايه فتحت الباب وخليته مفتوح طلعت البندقيه وصعدت علي وفاطمه ومرتي فوك ضليت بالمزرعه ومنتظرهم
أنت تقرأ
بطريسـا
ChickLitالرواية عن شخص بغدادي الاصل ، يحب فتاة ويفتقدها عند موتها ، يهتم كثيرًا في وصيتها ، يكمل حياته بحثًا عن الراحه ، حيث لا يجدها . 2022/11/11 بداية الكتابة بدون نشر .
