بسم الله الرحمان الرحيم
- بنيه عجبتني وهيه حبابه
ساميه : منيه
- الممرضه فاتن ولله يمه اني فكرت بيها بالمزرعه كلت بلكي توالمني وهيه خوش بنيه وابوي يكول اخذ اليحبك ولا تاخذ التحبه واني شفتها حبتني واني شويه يعني روحي اهتزت الها بلكي تطلع من نصيبي وتفرحين بجهالي
ساميه : ولله يمه اني ما عجبتني البنيه
- يمه معقوله لا تحكمين عليها من اول مره انتِ اكعدي وياها وسولفن لا تخافين بعد يومين تصيرن حبايب
ساميه : اسيل يكول حبايب
صالحيه : لا احنئ كلنه ما موافقين اختي ما قتنعت احنئ ما نقتنع جوز شافت شي عليها
- لا لا البنية حبابه ورده مال لله حتئ كلامها حلو بس لان امي شافتها مره وحده وصارت سالفة بسيطه فا حكمت عليها وكالت ماحبها
هنه ضلن يصفنن واني كملت بسرعه ورحت صليت وسبحت وبدلت واتاكدت من غراضي وخالاتي يعدلن بشعري وكفت كدام خالتي :- راح اصير محامي كد الدنيا
رارنجية : ان شاء لله بحق الزهراء عليها السلام
- عليها السلام ادعولي لله عليكم
حجِي كريم : ولك مو قبلوك شيدعولك تشتغل وياهم شنو بعد انتَ اثول ماعرفت تلزملك جم قضيه حتئ الناس يعرفوك
شفته لابس قاط ومعدل روحه ولابس حذاء يعني راح يروح وياي "ياويلي" :- للتسهيل يابه
حجِي كريم : لله يسهلك يلا امشي كدامي
بلعت ريكي وكلت :- اي
طلعت وابوي مشه كدامي واني مشيت بصفه واخذنه صديقي وكملنه كلشي ورجعنه للبيت استمرت الامور تمام وخلصنه شهر الثالث
دخلنه بشهر الرابع وعلاقتي بفاتن مستمره بس سطحيه ما فاتحتها بشي هيه مو كلش قريبة اليه احسها ماتناسبني مر اسبوع واجه ابو جاسر
ابو جاسر : يا ابو احمد يعني الولد راد يكتل مرته علمودها تتخيل يكدر يسويلها شي لو يأذيها
حجِي كريم : ولله البنيه اني ابوها وهيه بنتي واني اختارلها الافضل وابنك مو الافضل
ابو جاسر : ابو احمد الولد راح يتخبل يريدها غير بت عمه ويحبها ولله شاريها بماي عيونه
حجِي كريم : مادري شكلك
ابو جاسر : وين بت اخوي اريد احجي وياها
حجِي كريم : بويه
- اي يابه
دكيت باب المطبخ واسيل وامي والبنية واكفات
- يبنيه عمج بالستقبال وطلب يحجي وياج تردين تحجين ويا لو لا؟
أنت تقرأ
بطريسـا
ChickLitالرواية عن شخص بغدادي الاصل ، يحب فتاة ويفتقدها عند موتها ، يهتم كثيرًا في وصيتها ، يكمل حياته بحثًا عن الراحه ، حيث لا يجدها . 2022/11/11 بداية الكتابة بدون نشر .
