بسم الله الرحمان الرحيم
دورت بالسراديب ورئ الكبور ماكو الكاع انشكت وبلعتها دورت لحد ما اتكسرت رجليه من السبعه لحد الدعش واني ادور خطت المكبره خوط ومالكيتها
سمعت مره تصارخ وتبجي وتدعي واحد يطلع بنتها مشيت بسرعه ورئ الصوت :- خاله وينج خاله
رفعت ايدها وكلها دم :- اهنا الله عليك ساعد بنتي والله ماعندي غيرها بحق الامام علي ساعدني والله بس هيه بقتلي بهل دنيه
بس شفت ايدها ركضت الها ، وبنتها طايحه بحفره غميجه حيل جيتت بالحفره وحاول اكعد البنيه
- عموو عموو تسمعيني
- ولج بنين يمه ردي عليه والله گلبي شعلتي ولج يمه بنين احجي يمه
لفيت عبايتها عليها وانطيتها الامها بصعوبه طلعت من الحفره وشلتها :- خاله تعالي وياي
- اي اي دخيلك يا ابا الحسن بنتي ولك علول وين صرت علول اله احرك شيبت ابوك الكـ'واد مات وعافني وحدي ماكال شيصير بيها بلياي نعلعله روحك مزعل اشتعلت روحك روح المطي لا ميت و مرتاحه منك ولا عدل و مرتاحه منك اشتعلت صفحت اهلك ....
هيه استلمت رجلها غلط من حركت گلبها ، واني ادعي بلكي مابيها شي والكاها طلعنه من المكبره
- ياخاله الله يوفقك ويحفظك ويطول بعمرك والله ما انساها وكفتك والله دعيت الامام علي يجيب واحد ابن حلال يطلع بنين والله خلاك بدربي متشكره منڪ ياعلي متشكره منك
- خاله واجبي الله يحفظها الج
- ولك علول اشتعلوا اهلك وين جنت دزيتك وين اني وين ؟
علول : ولج يمه ماكو ...
كضتها وصكعته راجديات :- ابن النعال اذا ماكو غير تجي وتشوفني عايفني وحدي بين الكبور ابن النعال انعل ابوك لابو الخلفك
- خاله عوفي
علول : جيبها ولج بنين زر'به ماتردين سويتي روحج ميته يلا خلي ندفنها ماطول بعدنه بالنجف
- ابن الزربه اختك عار مخلفتلي عار حتى العار اشرف منك
انطيته اخته ودليتهم على مكان يغسلون منه عفتهم وجاي ارجع للمكبره شفتها واكفه ويه ابوي و علي وفاطمه يمهم وصلت يمهم وكفت بعد مترتين
حجِي كريم : شوف شلون فرفح گلبك عليها هنه تلث ساعات شحال اسيل من البارحه مفرفح گلبها على بنتها
هوا كمل كلامه واني كلت لـ علي :- انطيهم فاطمه
هوا راد يحجي واني زهكت بي :- فضهااا
هوا انطاها فاطمه واني اشرتله يجي :- بطريس والله كلي ....
- المره لتعوف رجلها وتسمع كلام اهل رجلها خليها بس جنه ، أما زوجه بعمرها ماتصير
أنت تقرأ
بطريسـا
ChickLitالرواية عن شخص بغدادي الاصل ، يحب فتاة ويفتقدها عند موتها ، يهتم كثيرًا في وصيتها ، يكمل حياته بحثًا عن الراحه ، حيث لا يجدها . 2022/11/11 بداية الكتابة بدون نشر .
