بسم الله الرحمان الرحيم
- يعني جان مره والله اله اخلي آمت محمد كلها تصيحله مره اصبريلي ولج مرته ماكدر يدافع عليها بكلمه
اشرت على راسها :- شنو هنا شنو بس فهميني
- اني ماريد ابقه اهنا
- بس فهميني ليش؟
- ماريد شنو فصليه مكعديني اهنا اريد اكعد بيت ابوي
امي باوعت عليها بقهره وعيونها غرغرن ... دخلت للغرفه وسدت الباب واسيل ضاجت منها
اسيل : ولله عيب عليج زعلتي مره جانت تعتبرج اعز من بنتها خالتج ماتعوضج عن عمتي وحنانها والايام السهرنه بيها وضحكنه وبجينه
هيه بجت وضلت بلكوه تحجي :- ولله مو قصدي طلعت بدون قصد والله اسيل شبيج وياي والله طلعت بدون قصد عقل القندره هوا جابها بالبداية اسيل
اني رجعت ليورئ ودخلت لغرفتي وهيه تحجي وياي ، واني معطب ومشتعل شعل واحك برأسي
- ولله مو قصدي بس ماريد ابقه اهنا احس روحي غريبه مادري ليش ومن شفت خالتي ارتاحيت لان راح ارجع لبيت ابويه هيه كلتلي
طلعت دفتر وباوعت عليها :- شنو هاذ؟ بس اسمعني داحجي وياك اني حسيت روحي غريبه والله
كتبت الارقام مال بيتنه والمكتب وحتئ رقم بيت سرمد :- اي شي يصير اي شي تستغربين منه كبل تخابريني لو تخابرين اي رقم من هذني ، رقمي تحفظي مثل اسمج اذا اخذوا الورقة منج عاد انتِ حافظته
خليته باديها وطلعت ماريد احجي اي كلمه بعد اشرت الاسيل تحجي وياها واني دخلت يم امي اراضيها
- يمه افوت
هيه مسحت خدها واشرتلي افوت كعدت بصفها :- يمه البنيه حست روحها غريبه كل بنيه هيج تحس مو اسيل هم من اجتي ضلت تبجي وسوتنه مسرحيه علمود اخوانها مشتاقتلهم هيه هم استوحشت شويه انتِ لا تضوجين كل بنيه هيج تحس هنه بنات اليوم شويه مدللات زياده
ساميه : يمه كالت فصليه هسه لو كالت غريبه لو مستوحشه ولله ماحجي بس الله عليك مو خليتها بعيوني ... اذيتها فد يوم ولله شايف اختك وشلون جنت مدللتها و وضامتها بگلبي هيج خليتها ... شلون الماي بالصينيه ... ماكلك ضاع الدلال لا ابد هاذ واجبي هيه ضيفه واعز بس اني حبيتها وماخليتها تحس هيه ضيفه لا ابد ولله حبيتها
- يمه امسحي دموعج ولله مايهون عليه تبجين
مسحت دموعها وحظنتها :- شسوي غير قهرتني گلبي ماتحمل حجيها لان عزيزه عليه
- يمه اني هم نقهرت بس البنية انحصرت ومن نحصرت كامت تجفص اخذيها مني وابريها الذمة عقلاتها على كدها مثلي هسه مو تشوفيني اجفص كدام ابوي هواي وهوا بالدفرات متحملني انتِ هم اتحمليها ولا تاخذين على خاطرج هاي فاهيه فطيره براجدي تنمطل بالكاع بس لسان ولله
أنت تقرأ
بطريسـا
ChickLitالرواية عن شخص بغدادي الاصل ، يحب فتاة ويفتقدها عند موتها ، يهتم كثيرًا في وصيتها ، يكمل حياته بحثًا عن الراحه ، حيث لا يجدها . 2022/11/11 بداية الكتابة بدون نشر .
