بسم الله الرحمان الرحيم
جرتها من ايدها وفاطمه حتى ما اتحركت زحفت الها وكضيتها :- عمو فاطمه عمو هديها الله لا يوفقج هديها
حجِي كريم : شبيكم شبيها شسويتيلها
اسيل : ولله ماسويتلها شي عياره تريد تضل يم عمها
اكعد بيها ماتكعد كمت بالكوه واغسل بوجها كعدت يم السنك واحجي وياها بلكي تكعد :- عمو اكعدي حبيبتي لا تخبليني عمو فطومتي
- عمو اسيل سحلتها من ايدها وفاطمه مايعه روحها وهاي كدامك شوفها
حجِي كريم : انتِ ماعندج عقل متشوفيها شصاير بيها تروحين تسحليها من ايدها
ساميه : يعني ماشفتيها حايره بابن الكلب هاذه اكضه واموته هسه حتى ترتاحين
اسيل : ولله مادري شبيكم وياي
- لا تدرين تدرين انتِ ورجلج ما باريكم الذمه تفرقون بين جهالكم حتى انتِ يمه كلتي كلشي مابيها ليش ماتكعد ليش مو مابيها شي ليش ماتكعد
احجي وجسمي كله يرجف خايف عليها اجه علي وخرهم مني :- وخروا شويه خلي ياخذ نفس خانكيهم بطريس اهدئ امشي ناخذها للمستشفئ على كيفك
فوفو : جيبها على كيفك كوم
هيه كضتها واني كامش ايدها علي كومني واخذتها منها وطلعنه :- عمو احجي عمو حبيبتي فطومتي عمو
حجِي كريم : تعال اوصلكم بالسيارة
- وخر وخر لا تقرب وخر
حجِي كريم : ابن الكلب لا تخبلني انعل ابوك لابو هاذ الكـ'واد ولك احمد منيتك اليوم
راح يكتل احمد وهيه جرتني :- امشي خلي ناخذها
مشيت وياها وصعدنه سياره ويه رجال جبير كعدت اني وياها ليورئ و علي ليكدام خليت رأسي على جتفها روحي ماعت وصلنه للمستشفئ ودخلنه لـ دكتوره مختصه ... بدت تفحصها
حسيت روحي دخت كضيت ايد علي :- علي اسندني
- دكتوره بيها شي؟
- شنو صار وياها قبل الاغماء؟
باوعت عليها وهيه هزت راسها :- والله دكتوره ماكدر اجذب عليج صارت تفرقه بينها وبين اخوها علي وهيه خافت وضلت تبجي
الدكتوره تحجي واني بس اريد اشرحلها ماتنطي مجال احجي ڪلمة :- يعني اذا انتم تعتزون بالولد اكثر المن خلفتوا بعده ، ماشاءالله بطول النخله وهيه طفله تحتاج عنايه وتحتاج شويه عطف ومحبه مو صياح وتفرقه ويمكن حتى معنفيها شنو من اهل انتم ماعندكم ذرة خوف من الله
- اختي بس خلي افهمج
- شتفهمني اذا معتز بابنك لهل درجه غيرك يتمنئ يكون عنده بنيه تونسه وتكعد ويا مو ولد يجيبله المصايب
أنت تقرأ
بطريسـا
ChickLitالرواية عن شخص بغدادي الاصل ، يحب فتاة ويفتقدها عند موتها ، يهتم كثيرًا في وصيتها ، يكمل حياته بحثًا عن الراحه ، حيث لا يجدها . 2022/11/11 بداية الكتابة بدون نشر .
