بسم الله الرحمان الرحيم
كالعاده علي راح للدوام واني رحت ورجعت بـ٤ للبيت علي ما اله حس دخلت للصاله ولكيته مشمور بالكاع والدمايه تارسه المده
- علي علي افتح عيونك علي
مايفتح عيونه عبالك ميت .... شلته وطلعته يم البير واغسل وجهه خليته بحظني وركبت البايسكل وصلت للشارع اخذت سيارة وديته للمستشفى ... فحصه الدكتور وضمدوا راسه وخروا الدم المتخثر بخشمه ... واني آكل بروحي بس اريد اعرف منو سوئ بي هيج
دكيت على ابوي وحجيتله هيج وهيج وهيج السالفة وهوا كال اني جايك ... انتظره شويه وابوي اجه وجايب ويا أمت محمد كلها
حجِي كريم : ها شكلك الدكتور
- يابه اعرفلي منو سوى بي هيج
حجِي كريم : رئيس اني بس كلي
سرمد : هسه يطلعون هذوله الهتـ'ـليه لرادوا يشترون المزرعه
حجِي كريم : هذوله تابوا
ضلوا يحجون ويحجون سطروني لحد ما كعد علي
وكفت فوك راسه واحجي ويا
- علي تسمعني
علي : اي
بلكوه يحجي اني كبل سئلته :- علي منو سوى بيك هيج؟ علي
علي : أسُتاذ كامل
- والاه دريت هل كـ'واد راح يسويله شغله منيته على ايدي والحُسين
حجِي كريم : اصبر خلي يكعد الولد افتهم منه ، عمو علي ليش ضربك علي تسمعني
علي مايعه روحه ويكح شربته ماي وعدلت المخده
- مامسوي شي كبل ضربني شردت منه بلحله كتلني وعافني وصلت للبيت بالكوه
- شفت يابه اني من البدايه ما مرتاح گلبي علمني من الصبح آكل بروحي عليّ اكول هسه يسويله شي وهاي شوف كاضه وكاتله
حجِي كريم : تندل بيته
- شنو يندل بيته هسه نگلب بغداد عليّ وين يطير للسمى اجيبه وانعل والدي
علي : شارعين ورئ المدرسه بيته
- دير بالك على روحك اني شويه واجي
حجِي كريم : وين رايح تريد تخبلني انتَ
- يابه شويه واجي
حجِي كريم : روحوا ويا لا تعوفوا مخبل هاذ
طلعت من المستشفى واحمد جرني من جتفي للسيارة وصعدني :- مو جاهل اني
احمد : لا خويه بس عبالي كمت ما تشوف من عصبيتك
- لا تخاف نظري ٦ على ٦
احمد : ماشاءلله
سرمد يسوق وداوّد لبس الحزام
أنت تقرأ
بطريسـا
ChickLitالرواية عن شخص بغدادي الاصل ، يحب فتاة ويفتقدها عند موتها ، يهتم كثيرًا في وصيتها ، يكمل حياته بحثًا عن الراحه ، حيث لا يجدها . 2022/11/11 بداية الكتابة بدون نشر .
