بسم الله الرحمان الرحيم
بغداد ،
٩ - ٩ - ١٩٩٩ - الخميس - فجراً .
امي اتغيرت ملامح وجها وباوعت على ابوي وخايفه وهوا هز رأسه بمعنئ شكو :- وين بنتي؟
ساميه : شوف يمه حبيبي مرتك وهيه مثل بنتك اعتبرها بنتك والله هوا الرزاق ، شلون نعارض حكم رب العالمين؟
- يمه بنتي وين بروح ابوج لا تحركين گلبي عليها
اتقربت يمي وتحجي وياي :- يمه بس خلي أحجي وياك ....
- يابه گللها اريد بنتي وينها
حجِي كريم : شنو شكو سومه
ساميه : حجِي شكلك هسه غير يسودن علينه
حجِي كريم : احجي فضيها
ساميه : ولد مو بنيه
اني شلت روحي ودكيتها بالكاع :- شلووون شنوه يمه لا بروح ابوج وعلي بدلتوها اني عندي بنيه مو ولد اني اشتريتلها تنانير وتراجي لا يمه لا الله عليج
ودوني يمها وباوعت بعيونها :- عيونج ما تجذب كليلي وين بنتي
- بطريس والله احبك ، ورب العالمين شقاسملنه لازم نرضئ حبيبي حرام شلون
كعدت على السديه وحظنتها :- بس والله اني بنفسي بنيه
ساميه : يلا همزين ما أتخبل علينه
علي : شراح تسمون الولد؟
- زربان
- لا بطريس لا تكسر بخاطري
رارنجية : صدكت راح يسمي زربان يااا هههههههه
ساميه : هههههههههيي فضحتينه
همه يضحكون واني ضايج :- شو جيبوا هاذ ابن الكلب خلي اشوفه
ساميه : هسه يجيبونه ، بس والله حلو الله شاهد ماجذب اني
حجِي كريم : شلونه اوصفي بلا هاذ الفرخ مالتنه هاذ رافع راسنه أن شاء الله
ساميه : يااا حجِي شحجي غير يخبل عيونه كبار يخبلن ماشاءالله نفس عيون بطريس ، خشمه يخبل زغيرون مثل خشم بطرييس ، ورموشه طوال نفس رموش بطريس ، وشسمه يخبل الله يحفظه بطريس بحيله وعينه من جان فرخ
- وعزه صغير نفس عز بطريس مو يمه
همه يضحكون وابوي يرزل ويكفخ بيه ، اچن الممرضات وجايبات حبيب امه العينتين
انطنه بيد امي ويبجي :- يبجي الخايس مو كلتلج نجيب بنيه أحسن
- بطريس كافي شبي تره رزق رب العالمين
- هسه اني شحاجي معيب عليّ قابل
- شنو تكول خايس تره ابنك
- لا ابنج
أنت تقرأ
بطريسـا
ChickLitالرواية عن شخص بغدادي الاصل ، يحب فتاة ويفتقدها عند موتها ، يهتم كثيرًا في وصيتها ، يكمل حياته بحثًا عن الراحه ، حيث لا يجدها . 2022/11/11 بداية الكتابة بدون نشر .
