بطريسـا

Bart 25

بسم الله الرحمان الرحيم

ناصر : اي والله ياعمي وحق كلام الله بس اكتبلها مادري شبيهم وياي جيب القرآن واحلفلكم والله اكدر هسه اسوي كلشي بس هيه مانعتني لان اهلها ماكدر اسوي شي والله ياعمي شاريها ، واحبها .

حجِي فرحان : والله ادري

احنئ ضحكنه وهوا اتفشل ضلينه نسولف ، شويه ودخل ابوي والجماعه وابو حمزه ركض على نرجس وخال ايده بجيبه طلعها وكاض بيها نستله

ردت اكضه عبالي حيسويها بس عفته راح حظنتها والدمعه بعينه وهيه تبجي وهوا يبجي وياها :- يلا بابا تعالي هاي نستله تحبيها جبتها الج يلا بنيتي تعالي ليش تعوفيني اني مو ابوج ليش بنيتي ليش قصرت وياج ليش عفتيني

نرجس : خفت منك من شفتك رحت لبيت ناصر

ابو حمزه : رحت اله عبالي مسويلج شي ولج بنيتي تتخيلين اسويلج شي انتِ بنتي ولج بويه لا تعيديها اني ابوج اني ماخلي شي يأذيج دور اني إذِيج يابعد ابوج انتِ لا تبجين كافي فطّرتي گلبي

ضل يحجي وياها واني طلعت وطلعت الجهال وياي ومرتي ورايه ضلينه نلعب بالشط واني انشلت بس ردنه نرجع حتئ ايدي ماكدرت احركها ضليت نايم بحظن مرتي

- اذا هيج بسرعه تنشل ، جان كلت اله تنشل روحك

- مادري

حجِي كريم : لا تدري كلش زين بس تريد تتمرض طبك طوب هسه اذبك بالشارع ، اني مو يوميه قاهرني وحارك دمي شمستفيد منك كاضيها تفرفر وتطلع وسفرات ودياحه ، كاض شي بيدي منك كلشي ماكاض ، كل ماشوف وجهك اشوف طراكيع بحياتي ، عمي امك خربتك بدلالها بعد شلون يصير برأسك حظ وخير

فاطمه : عمو بعمامك ولا بيك

هوا راد يكفخها اني وخرتها منه :- عمامه مو ، هاي منين اتعلمتيها

فاطمه : محد يعلمني انا قوية وعزيمتي الـ نسيتها

حظنتها وغمضت عيوني :- كفو عمو

هيه باستني وهاي ملشت شعرايه من رأسي
- اخخ شبيج

- شنو شبيه اني يمك قابل

ضليت أباوع عليها وهيه دارت وجها على الجامه
- اخخ بويه رأسي

حجِي كريم : وطحيل

ضليت أون لحد ما رجعنه للبيت وأحمد شالني ودخلني
- اخخ ياخويه عظامي اتكسرن

- اسم الله 

ساميه : يا يمه بطريس شسوولك سوده عليه يايمه ليش هيج ، شبي؟

- انشل عمه انشل

ساميه : ياايمه ياكسرت ضهري ولك على كيفك ويا

احمد : يمه غير نزلته جا شلون

حجِي كريم : تريد تكسره بالزايد

احمد : استغفرالله

حجِي كريم : شنو منيـ*** كدامك ، جاي نصحك غير اخوك مريض