رواية( فريسة الشيطان) للكاتبة/ سلمي سمير

المشهد الرابع

#فريسة_الشيطان
المشهد الرابع
*********************
جذب سامر الطفل من امامها وهدهده وقال له:
اطلع اوضة حسام يا معتز لحد ما يجيلك

واخذ بيد طفل وقربه منها وقال لها:
مش معقول محستيش بيه يا نجلاء لدرجة دي فقدانك الذكرة نساكي حتي امومتك

نظرت الي الطفل الذي شابه أبيه الي حد بعيد وقالت له:
انت بتلومني ليه انا قولتلك انا مش فاكرة حاجه خالص ولا عندى احساس تجاه اي حد فيكم، وهحاول اتقبل كلامك  باني زوجتك وأم ابنك رغم اني مش مصدقاه

هز راسه بأنكار وقال لابنه :
روح لماما يا حبيبي مش كنت مخاصمني علشانها

ابتعد الطفل عنهم ونظر اليها بحزن وترقرقت الدموع في عيناه البريئة وقال بأنزعاج:
بس دي مش مامتي يا بابا، يمكن شكلها لكنها مش هي انا مش عايزها انا عايز مامتي حبيبتي اللي خدتها منها

نزل سامر الي متسوى طفله وضمه الي صدره وقال:
حسام دي مامي حبيبتك، بس اتعرضت لحادث ونسيتنا كلنا احنا لازم نساعدها تفتكرنا وانت بالذات
انا وعدتك ارجعلك مامي يمكن هي متغيره شويا لكن صدقني دي مامي  حبيبتك

ابتعد الطفل عن صدر ابيه ودنا من نجلاء وملس علي خدها
وابتسم لها وحضن وجهه بكفاه الصغيرتان وقال:
بجد انت مامي يعني مش هتسبيني وتمشي تاني وارجع انام  لوحدى من غير ما تحكي لي حدوتة قبل النوم

اشفقت نجلاء علي هذا الطفل الذي يفتقد الحنان والاحتواء واستغربت كيف اشتاق اليها  طفلها ولماذا  كانت بعيده عنه،
  لكن كيف وزوجها اخبرها انها كانت معه منذ يومين فقط، عندها شعرت بالصداع يضرب رأسها، فضمت الطفل  الي صدره وقالت:
ان شاء الله يا حسام، بس انا فعلا مش فاكرة اي حاجه قولي الاسبوع اللي فات كنا بنعمل إيه، وانا هعمل كل حاجة بتحبها

طالعها الطفل بحزن ورد عليها:
بس انت مكنتيش معايا الأسبوع اللي فات ولا اللي قبله ولا الشهر اللي  فات حتي يوم عيد ميلادى مكنتيش معايا، انا مش فاكر امتي  اخر مره خدتيني في حضنك يا مامي

رفعت نجلاء راسها الي سامر وحدقت به وسالته بحدة:
ممكن افهم معني كلام ابنك ده ايه،انت مين بالظبط

ربت سامر علي كتفها، وطلب من امه اخد حسام الي غرفته ليلعب مع صديقه معتز ،حتي يحادث زوجته، اخذت والدته طفله وصعدت الي غرفته، فجذب سامر يدها وقال:
اهدي يا نجلاء وانا هفهمك، انتِ كنت زعلانه مني وسيبتي الفيلا فترة
ولسه متصالحين  الليلة اللي قبل يوم الحادث علشان كده كنت زعلان منك لما صحيت ملقتكيش جمبي، علي فكرة  حسام مفتقدك جدًا علشان كده زعلان منك ومش متقبل اللي حصلك

لم تقتنع نجلاء بما يقول فسالته :
طيب هحاول اصدقك رغم انه هو نفسه مش مقتنع بأني امه،
فين صورنا سوا انا وهو وانت اويوم ولادته