رواية( فريسة الشيطان) للكاتبة/ سلمي سمير

المشهد السابع والثلاثين

#فريسة_الشيطان
#المشهد السابع_والثلاثين
*******************
عاد سامر الي الادارة وهو منتشي بفرحه النصر وقرب الظفر بمن اغتالو ابيه،
عرض الاوراق التي حصل عليها من حافظة مراد والصور علي اللواء المسؤول عن الادارة، ومعه كل الادلة والتحريات التي تؤكد ضلوعهم في عمليات تهريب كبيرة وتجارة السلاح

تفحص اللواء كل الادلة التي قدمها سامر وعاصم، وصدق عليهم وطلب منهم عرضها علي النيابة لاخذ اذن بالقبض عليهم ومواجهتهم بجرائهم

طلب سامر من عاصم  تجهيز القوة علي ان يذهب هو لاستصدار اذن النيابة بالقبض عليهم ليكون كل شئ قانوني

بعد ساعه كانت القوة تحاصر فيلا مراد والتي كان يتواجد الثلاثه بداخلها،  مراد ومحاسن واخيها الذي اكتشف ان اسمه الحقيقي رمزي
هو نفسه  الاسم الذي اكدت التحريات انه ابن القرش

تم مداهمة المكان والقبض عليهم جميعًا وكانت نظرات مراد تملاءها الحقد والغل عليه
اصطحبوهم الي مقر الادارة، ومن داخل مكتب سامر كانت المواجهه الحاسمة
جلس سامر خلف مكتبه في حضور عاصم ونظر اليهم بزهو وغرور وقال:
ها هنبدا من الاول ولا تحبو نبدا بقائمة جرائمكم واولهم جرائم الخال المحترم ولا تحب اقولك عدنان

نكس راسه ارضا وقال:
هي كده خلصت يا بيه، مدام عرفت انا مين، اخيرا الحظ خدمك وهتنتقم مني لقتلي والدك

ابتسم بتهكم ووجه حديثه الي مراد الناقم عليه بحقد واضح وقال:
وانت يا مراد باشا ولا تحب اقولك رمزي توفيق، زي ما هو مكتوب بشهادة ميلادك
لكن لحد دلوقتي  مقدرتش اعرف السر ورا اختفاء مراد السالم وانتحالك شخصية ياتري لسرقة املاكه ولا حقد عليه لان ليه اصل مش زيك مجهول النسب

ضغط مراد  فكه بغيظ ورد عليه بشر:
قتلته بقطع رقبته زي ما كان نفسي اقتلك وعدنان انقذك مني، انا بكرهك يا مراد لانك كنت  السبب في قتلي لمراد ولما قربت انتقم منك بعد موت ابوك علي ايد عدنان، حبت نجلاء اللي سرقتها مني واتجوزتها ايام  اصابتي  في مساعدة عدنان علي الهروب وتخليصه من السجن
لو عندك الشجاعة قولي فين نجلاء، مدام اتجوزت اختها وعشقتها وخلفت منها،
سبهالي يمكن ارحمك من اللي هتشوفه علي ايدى

ضحك سامر بسخرية ورد عليه:
نجلاء في فيلتي عايشة معززه مكرمه، لانها اخت مراتي زي ما انت عارف والواضح ان محاسن فهمتك علاقتها بضحي يمكن كانت عايزه تبعدك عنها
ولعلمك نجلاء هي اللي وصلتني ليك ودلتني عليك
وضحي كملت القضية بالمحفظة اللي كنت هتموت وتوصلها ومنها عرفت الشهادات المضروبة والصورة اللي بتجمع بينك وبين مراد  الحقيقي اللي هو ابن اختك

ثم نظر الي محاسن التي تجسد علي وجهه معاني الشر والحقد والبغض علي كل شئ وقال:
ها يا مدام محاسن اظن جوزك عدنان اللي اتهمتيه بقتل زوجك محمود، هو نفسه المتنكر في شخصية اخوكي رمزي،وعايشه معاكي علي هذا الاساس علشان تخفي جرايمكم عن عين الحكومة يا مجرمين