رواية( فريسة الشيطان) للكاتبة/ سلمي سمير

المشهد السادس عشر

#فريسة_الشيطان
#المشهد_السادس_عشر
*****************
كان خروج نوران من الفيلا سبب  في انهيار سامر العاشق لها، ولم يتقبل حقيقة أن ذاكرتها عادت إليها،
دفع أمه وصديقه وجري ورائها مهرولا لعله يلحقه إلا أن صوت ابنه الباكي استوقفه وهو يقول. له:
بابا هي ماما هتسيبنا تأني، أنت وعدتني أنها مش هتبعد عني تاني  وأنها بتحبني ، ليه سابتني ومشيت ومين دول اللي كانوا معاها ،. أنا عايز مامي يا بابي

ركع سامر أمام ابنه وضمه إلى صدره بقوة وحنان:
مامي هترجع لأنها بتحبك ، بس الناس دول ليهم شغل مع ماما تخلصه وترجع
ورفع رأسه عن صدره وكفكف دموعه وقلبه ينكوي بالنار لفراقه وقال بابتسامة مسروقة من أجل ابنه:
يلا يا بطل تعالي نطلع اوضتك نجهز لعيد ميلادك ولا ناسي أن بكرة عيد ميلادك يا ملاكي وابن وملاكي

هز حسام رأسه بحزن:
لا مش ناسي ماما وعدتني تعمل حفلة عيد ميلادي، وأنا مش هعملها غير لما ترجع خدني في حضنك يا بابا ووعدني إنك أنت  كمان متسبنيش زيها

ضمه سامر بقوة ونظر إلى أمه وصديقة وقال بحدة:
لو هموت مش هتنازل عنها وهرجعهالك، ماما راجعه  يا حسام متقلقش، وهتعيش معانا زي زمان وهتعمل كل حاجة معاك، زي ما كانت دايما بتعملهالك يلا تعالي نطلع اوضتك نرتب حاجاتك علشان لما ماما ترجع بالسلامة تلاقي اوضتك جميلة زيك

أوما إليه حسام بالموافقة وضمه بقوة وقال:
أنا بحبك آوي يا بابا بس وحياتي عندك خلي ماما تتصور معايا نفسي اشوف صورتها لما تغيب عني

تنهد سامر بقوة وقال له:
حاضر يا حبيبي ولو علي صورة ماما مفيش أحلى من صورتها يوم ولادتك هخلي جدتك تبروزها ليك وتحطها جمبك لحد ما ماما ترجع بالسلامة،
يلا اطلع فوق غير هدومك وكل وأنا  شويا وهحصلك ، ماشي يا صاحبي

هز حسام  رأسه بالموافقة وابتسم بمرح:
ماشي يا صاحبي وبابتي وحبيبي وحبيب مامتي
وصعد مسرعا إلى غرفته، استقام سامر ناهضا ونظر إلى صديقه بتحدي:
أنت اللي  سمحت للكلب  الا اسمه مراد ده ياخد مراتي وام ابني قدام عيني،
وده ليه حسابه كبير بيني وبينك بعدين، لكن هاجل كل حاجة لحد ما ارجعها، المطلوب منك دلوقتي تجيب ليا كل حاجه عنه وعن المدعوة امها،
وازاي مراته وهي كانت بكر  عذراء، وتحت سن البلوغ وقت جوازي منها،
والأهم من كل ده كانوا فين طول الخمس سنين وزيادة اللي فاتو، والبلاغ أمتي اتعمل أنا فحصت كل بلاغات الاختفاء عن فتاة في سنها لأكثر من ست شهور ومحدش بلغ عن اختفاءها،
ازاي بقي  بتقول إن كان في أكثر من بلاغ  عنها، وده سبب قرار النيابة بتسلمها، بعد تدخل  المحامي بتاعهم غي تسريع الاجراءات بعد العثور عليها

تنهد عاصم بقلة حيلة وقال موضحا:
اللي عرفته من والدته بعد ما اتصل عليها مراد يستنجد بيها، أن مراد كتب كتابها عليها وسافر بعدها بخمس أيام،
ووالدتها تعبت جدا، وكان لسه خطيبها لا بعت عنوانه أو مكانه أو أي شي يتواصل بيه معاه
واضطرت البنت تنزل للشغل، وحصل ليها في اول يوم اللي حصل، طبعا مرض والدتها مع سفر خطيبها
اخر البلاغ، لحد ما والدتها استردت صحتها وعملت البلاغ فعلا بعد  عشر شهور من اختفاءها
وكان معاه قسيمة الزواج وسنها من شهادة الميلاد، بيأكد انها قاصر  لم تبلغ تمنتاشر سنه، لكن خالها كان وليها وهو اللي جوزها، والدتها طلبت استدعاءه واقر بموافقتها، وأكد انهم كانوا مأجلين الزفاف لحد ما جوزها يرجع من الخليج ،مع انتهاء عقد سفره لمدة ٣سنين وتكون بلغت السن القانوني للزواج،
ولما رجع ومراد فضل يدور عليها وعمل اكثر من بلاغ رغم أن كلهم اتحفظو، المرة الوحيدة إلا كان هيتم  النظر فيها بالبلاغ أنت قطعت عليهم خط الراجعة، كان يوم الحادثه واللي فقدت فيها الذاكرة للمرة الثانية،من المؤكد  لو اتعرض عليهم صورتها كانو هيوصلو ليها لكن من حسن حظك  عثرت عليها انت الاول، ولأن شهادة ميلادها  الي اتجوزتها بيها مزورة والمحضر رسمي وفي مسؤولية عليك ومساءلة اقرت انها زوجتك نجلاء وليس نوران  علشان يكون موقفك سليم قدام النيبابة بما ان نجلاء لسه علي ذمتك، لحد الان
بس انا لحد دلوقتي مش مستوعب هو في حد بيقفد الذاكرة مرتين، ومعقول لما شافت مراد رجعت ليها الذاكرة الاولي بس، طيب حياتها  معاك كزوجة ليك خمس سنين وام لابنك وضعهم ايه،