رواية( فريسة الشيطان) للكاتبة/ سلمي سمير

المشهد الثالث والثلاثون

#فريسة_الشيطان
#المشهد_الثالث_والثلاثون
****************
كانت كلمة نادية الي ابنتها نجلاء بان ضحي اختها كفيله بادخلها في نوبة من الضحك الهستيري وقالت:
طبعا مستحيل صحيح كنت دايما تقوليلي ان بابا كان ليه علاقات كتير وبسببها اطلقتي منه قبل ولادة عادل لكن مستحيل بابا ينزل لمستوى محاسن دي ويعمل معاها علاقة وكمان بخلف منها مستحيل اصدق، ولو علي الشبه بينا يخلق من الشبة اربعين،

اغمضت نادية عيناها بالم تتجرع الاسي والحسرة علي ما فعلت يدها وقالت:
اقسم بالله ضحي اختك ومن دمك، وكمان بنت حلال مش من علاقة غير شرعية زي ما انت متخيله

حدقت بها نجلاء بصدمة وكبحت جماح ثورة غضبها علي والدتها وقالت بعصبية مفرطه:
مستحيل يا ماما ان ضحي تبقي اختي، معقول بابا اتجوز مامتها ، مستحيل انت مشوفتيش والدتها دي بيئة وحثالة،
ثم ضحي لو اختي تبقي من الام عارفه ليه لان عندها نفس الوحمة اللي عندك،عنده نفس شامة الشعر فكراها
ها هتقولي في دي ايه كمان، اظن  يعني مش هتكون بنتك لان عادل اصغر منها، بلاش تكوني انت كمان سبب لتدمير علاقتي بسامر جوزي، ولعلمك هو طلقها ومش هسمح ليها او ليه يرجعو لبعض

اخذت نادية نفس عميق وقبلت يدها وجه وظهر  واخذت تحمد ربها كثيرًا وقالت:
احمدك بارب كده سامر مجمعش بينكم علي ذمتة، اتجوزها، وانتي بره حياته، واما رجعتي طلقها، طمنتي قلبي علي الاقل مجمعش بينكم في وقت واحد علي فراش الزوجية كان هيبقي ذنب كبير،
لكن هرجع واقولك ضحي اختك شرعا لكن مش قانوني، ولو عايزة تعرف اقعدي واسمعي مني بهدوء

هزت راسها برفض قاطع غير مستوعب ان تتشارك هي واخته في رجل واحد كزوج ونفس الامر مع مراد كعاشق، وشعرت ان ضحي هي قدرها الاسود الذي لن تستطيع الافلات منه فصرخت بهلع احتاج نفسها المعذبة من فقدها لسامر الي الابد، لانه من المؤكد سيفضلها عليها بما انه ام والده وبينهم عشرة وحب خمس سنوات، ولن يستطيع ان يجمع بينهم كزوجتين علي ذمته لانهم اخوات والشرع لا بجوز الجمع بين الاخوات ،
هنا حدقت في والدتها بجزع وغامت عيناها بظلام  احاط براسها وسقطت امامها مغشيًا عليها
*******************
في مكتب سامر بالادارة
سال سامر عاصم بالحاح وضيق:
انطق يا  عاصم ازاي ضحي ابنة شرعية وانت قلت انها اتولدت بعد اربع شهور من زواج محمود بمحاسن

اخرج  عاصم من درج مكتبه وثقيه ووتقرير طبي  وسلمهم اليه وقال:
اتفضل دي الكارثة والمصيبة اللي اتورطت فيها، ضحي تبقي اخت نجلاء يعني حضرتك جمعت بين  اختين يمكن القانون مش هيحاسبك للتزوير في الاوراق لكنك خالفت شرع الله، شوف هتعمل ايه في المصيبة دى، زواجك من ضحي باطل يا سامر

اخذ سامر الوثيقة وقراء اسم الزوج والزوجة، بها وبعدها قرأ التقرير  فضحك بملاء فمه، وقال ساخرًا :
القدر بيلعب معايا لعبة عمري، الاول نجلاء تخوني مع زوج البنت اللي اتجوزتها وخلفت منها ابني، وفجاة ترجع نجلاء واطلق ضحي علشان اتجوزها باسمها الحقيقه واعفيها من  تهمة الجمع بين زوجين، وفي الاخر ادبس انا في مخالفة شرعية الجمع بين اختين