رواية( فريسة الشيطان) للكاتبة/ سلمي سمير

المشهد العشرين

#فريسة_الشيطان
#المشهد_العشرين
****************
نظرة والدة سامر الي نوران بدهشة واردفت :
معقول دي مراتك انت اتجوزت امتي،وليه معرفتنيش هو انا مليش حق افرح بيك

غمغم بحيرة ولم بجد رد علي سؤالها، ضحكت بفرح واثقه في إن ابنها لم يكذب عليها،
نحته جانبًا وقالت بسعادة تتراقص في عيناه:
طيب وسع كده لما اشوف مرات ابني العسل دي، بس انا بتهيأ لي ولا فعلًا هي شبه نج...

قطعت حديثها, وزفر سامر بحدة لمعرفته من تقصد بانها تشبهها واجابها:
هي شبهها لكن مش زيها، نوران نقيه وطيوبه جدا

دنت منها والدته وجذبتها الي حضنها بحنان لم تكن تتوقعه نوران وقالت:
فعلا واضح وصغيره علي فكره، بس زي القمر مبروك  يا ابني، قولي بقي ليه خبيت عني خبر جوازك
علي فكرة انا ملاحظه من فترة تغير احوالك، للافضل طبعا والبركة في القمر ده صح

خرجت نوران من حضنها ونظرت الي سامر المرتبك، من وضعها في حياته وشعرت بالاحراج الذي يلازمه،
كيف سيتحدث عنها بانها انسانه مجهوله لا نسب ولا اسم ولا ماضي او حاضر، فاخذت هي المبادرة كي تزيل عنها الاحراج وقالت:
بعد اذنك يا سامر بيه، انا هقول ليها علي سبب جوازك مني

طالعتهم والدته باستغراب وسالت :
بيه وبعد اذنك، لا استني هنا انت مراته بجد ولا وضعكم ايه، انا واثقه ان ابني مكذبش عليا بس شكل جوازكم مش جواز رسمي

اؤمات نوران براسها موافقه علي ظنها واردفت:
جوزنا نوع من الحماية ليا منه، سامر بيه راجل بمعني الكلمه شهم ومحترم ويعرف ربنا كويس،
وهو شاف ان لما يتقفل علينا باب واحد بدون صله او قرابة حرام شرعا، وبيفتح باب الشيطان، علشان كده اتجوزني يحميني ويحمي سمعتي

نهضت والدته واقتربت منه وهو ينظر الي نوران بتعجب من هدوءها وهي تصف ما وصفه لها بسلاسه
وقفت بجوارها وسالته:
يعني ايه تحميها ومن ايه وانت عرفتها ازاي، وايه يغصبك تجوزها مدام مش عايزها زوجة انا مش فاهمه حاجه وكلامك مبهم

اخذ سامر نفس عميق وهم ان يتكلم فعادت نوران واكملت حديثها باصرار وتصميم:
معلش تاني يا سامر بيه، هوضح ليها حقيقة جوزانا وليه انا مش مناسبه ليك كزوجة
يا هانم انا بنت مليش ماضي ولا حاضر، سامر بيه من ثلاث شهور لقاني في الشارع، وجابني شقته هنا ورعاني وعشت معاها فترة كمسؤول عني، لحد ما بدا يخاف عليا من تواجدنا سوا بدون  صله
وقبل ما تسالي ازاي مليش ماضي او حاضر او حتي اسم، احب اقولك انا فاقدة الذاكرة وهو حاسس بالذنب ليكون السبب في اللي حصلي، رغم اني اشك ان انسان في نبل اخلاقه ياذي حد

تنحنحت ولدته وقالت بهدوء:
قولي يا سامر   انت اتجوزت من امتى

رد علي يا سامر بثقة وتاكيد:
اتجوزنا تقريبا من اسبوعين،