جنيتي العنيده(اوتار حفرت بعشقهم) الجزء التاني من عشقتك من زمن اخر.

الفصل السادس.

بارت النهارده تمهيد للبدايه المغامره الحقيقيه واللي هتكون صادمه للكل فاتمني تقولولي رايكم في اخر البارت ومتنسوش الفوت لو سمحتم❤.

صلوا علي نبي الرحمه💕.
___________________________

كانت تفتح عيناها ببطي وهي تشعر بالدوار يسيطر عليها قبل ان تجحظ عيناها بصدمه وفغر فاهه وهي تراهم امامها يرمقوها بنظرات لم تفهم مغزاها لتبتلع ريقها برعب بينما اردف سقراط ببلاهه:

"مالك يا جمعتين ايه اللي حصلك كل ده عشان شوفتي خطيبك هو كان في الجيش ولا ايه؟!."

"كان في جهنم بعيد عنك."

قالتها بسماجه زائفه وهي تنظر لشيفا بخوف بينما اردفت باجي برعب خرج منها مضحك وهي تنظر لداش وتمنع نفسها من البكاء:

"شوفتي يا جملات ياختي جم يزورونا مشاء الله عليهم عرفوه مكانا من تاني يوم لا اذكيه بصراحه."

"اومال يا حسناء ازاي معرفش مكان خطبتي وبعدين كده يا قمرين تهربي مني انا عارف انك اوسم مني واني بنسبالك قليل اوي وبتحلمي بالاحسن مني."

ليتشنج سقراط وقصي بصدمه وبلاهه وهم يرمقوه وسامه شيفا التي تجعل اي فتاه علي وجه الارض تقع في عشقه ليردف سقراط بسخريه:

"فعلا انت قليلا عليها اوي، ولكن السوال هنا هي جمعتين مخطوبه اصلا ومش لاي حد لا ده ليك انت طب ازاي ايه اللي عجبك فيها هو انت لدرجادي نفسك حلوه."

لتحرك باجي شفتيها يمينا ويسارا مع اصابعها في حركه شعبيه تدل علي الولوله وهي تنظر لسونيا بمعني انتهينا والاخري تلتزم الصمت حتي لا تنهض وتاكل شيفا الان بينما شيفا اردف بتهكم وهو ينظر لسقراط بحقد:

"لا ازاي ده هي اللي نفسها حلوه لو قبلت بيا، اصل انت متعرفش حاجه جملات دي اصلها جوهره ونادره جدا."

"دي منقرضه جدا هو ايه اللي نادره وبعدين ياخويا برحتك ربنا يهني متعوس وتعيسه وتخلفوه تعسيس صغيرين انا مالي."

ليضحك قصي بخفه بينما سونيا خرجت عن صمتها وهي تردف لسقراط وتتجنب النظر لشيفا بخوف:

"انت كده بتقلل من جمالي علي فكره يا فندم وبعدين دنا امي ملكه جمال لبنان يعني عنوان لانوثه."

"ابقي سلميلي علي امك فتكات وقوليلها سقراط بيسلم عليكي وبسوسيهالي وقوليلها اني دورت عليها علي جوجل وطلعتلي صورتها فعلا علي علب السجاير عشان كده نسبه التدخين قلت في المجتمع من خوفهم من امك"

كانت سونيا علي وشك الصراخ في وجه بغضب لولا شيفا الذي امسك يدها وهو يردف بنبره حانيه جعلت من سقراط يرمقه بفاه فارغ:

"قمري ياله نقوم علي شان في مواضيع كتير اوي نتكلم فيها وحاجات مهمه اوي محتاجه توضيح."

"ما تأجلها لبكره اصلي عايزه انام."