His Blonde ( Completed )

~ 3 ~

Unicode ver

မှိုင်းပြာရောင် ညနေခင်းဟာ ဖွင့်ထားတဲ့ အဖြူရောင်ကန့်လန့်ကာကတဆင့် ဆိုဖာမှာငြိမ်သက်စွာထိုင်နေတဲ့သူအပေါ် ဖြာကျနေတယ်

Tic Toc Tic Toc

တချက်ချက်နာရီသံက ဧည့်ခန်းထဲပျံ့လွင့်လို့ ကွဲပြားသယောင်ထင်ရတဲ့ အတွေးနဲ့စိတ်ကူးများစွာက ဖြူလွလွဆံချည်မျှင်များကိုသာ ဦးတည်လျက်

*ဒီ....ဒီ*

လက်ဖဝါးထဲကျစ်ကျစ်ပါအောင် ဆုပ်ထားမိတဲ့ဖုန်းက တုန်ခါမှုကိုပေးရင်း ပုံဖော်နေမိတဲ့ဇာတ်လမ်းတွေထဲကနေ စိတ်ဝိဉာဉ်ကို ဆွဲထုတ်ပစ်လိုက်သည်။

"ဟဲလို"

"ဟေ့ယောင်
နောက်လာမယ့် Orchestra မှာ First Chair နေရာက ဖျော်ဖြေမှာဆို!!"

*First chair ဆိုတာ orchestra တွေရဲ့ Main role နေရာမှာ perform လုပ်ရတဲ့သူကိုဆိုလိုတာပါ*

အကြားအာရုံကို ခပ်ပြင်းပြင်းတိုက်ခိုက်တဲ့အသံမှာ ဖုန်းကိုနားနဲ့အနည်းငယ်ခွာလိုက်ရသည်။

"အင်း ဘယ်ကကြားလာတာလဲ"

"ဘယ်ကကြားရမှာလဲ ငါ့ဟျွန်းဆီကပေါ့
မင်းက ဒီလိုသတင်းကောင်းကို ဘာလို့နှုတ်ပိတ်နေတာလဲ အခုချက်ချင်း ထွက်ခဲ့စမ်း
ဂုဏ်ပြုရမှာပေါ့"

"အခု? ငါ.....စိတ်မပါဘူး ဘောမ်ဂယူရာ"

"ဟာ? ဘာဖြစ်လို့လဲ
မင်းဒီလောက်ကြိုးစားထားတာ အောင်ပွဲခံသင့်တာပေါ့ ဘာလဲ အသံကလည်းမှိုင်နေသေးတယ် တစ်ခုခုဖြစ်လို့လား?"

လူပါလွင့်ထွက်သွားတော့မတတ် တစ်ဖက်ကနေ လေကိုမှုတ်ထုတ်သည်။
ထို့နောက် ခပ်လေးလေးအသံဖြင့်

"ဘာမှ..မဖြစ်ပါဘူး"

"ဘာကိုဘာမှမဖြစ်ရမှာလဲ
အသံကိုက ဆယ်ရက်လောက်ဝမ်းချုပ်နေတဲ့အသံနဲ့"

ရယ်သံဖွဖွနဲ့တစ်ချက်ကလေးသာတုန့်ပြန်ရင်း တင်္ဒဂနှုတ်ဆိတ်နေပြန်သည်။

"ဘာလဲ ဟိုဖြူကောင်ကြောင့်လား?"

"သူ"

"..."

"ငါ့ဆီကထွက်ပြေးသွားပြီထင်တယ်"

"ဘယ်လိုဖြစ်တာလဲ
မင်းတစ်ခုခုလုပ်လိုက်မိလို့လား?"