Unicode ver
အမှောင်ဖုံးနေတဲ့ပတ်ဝန်းကျင်။
ခပ်လှမ်းလှမ်းမှာမြင်နေရတဲ့ တစ်ခုတည်းသောအလင်းရောင်ကဖွင့်ထားတဲ့တံခါးတစ်ချပ်လား?
ထိုတံခါးအလွန်မှာတော့ အခြားကမ္ဘာတစ်ခုတည်ရှိနေသလိုမျိုး။
ခြေလှမ်းတွေကို အလင်းရောင်ဆီဦးတည်လိုက်ပေမယ့် ကမ္ဘာမြေဆွဲအားက အဆမတန်ပြင်းထန်နေတယ်။
ရုတ်တရက် အလင်းရောင်ကိုကာလိုက်တဲ့ ခန္ဓာတစ်ရပ်။
အမြင်အာရုံကိုစူးစိုက်စေတော့ တဖြည်းဖြည်းပြတ်သားစွာမြင်ရလာတဲ့မျက်နှာ။
အရိုးစွဲအောင်ကျန်ရစ်နေတဲ့ မှတ်ဥာဏ်ထဲက ဒီမျက်လုံးဝိုင်းတွေ။
"T...Terry?"
"ပျော်နေတယ်လား?
ငါ့ကိုမေ့ပြီးပျော်နေတယ်လား?"
ရှင်းရှင်းလင်းလင်းကြားနေရတဲ့အသံဟာ အပြင်မှာတကယ်ဖြစ်နေတဲ့အတိုင်း။
"မ..ဟုတ်ဘူး
ငါမင်းကို...တစ်ရက်ကလေး..တောင်..မမေ့ပါဘူး"
"ဒါပေမယ့် မင်းမေ့ပစ်ဖို့ကြိုးစားနေပြီ"
"ငါ..."
စကားတွေဆွံ့အနေတာက အမှန်တရားကိုမငြင်းဆန်နိုင်တာကြောင့်ဖြစ်မယ်
ရုတ်တရက်ရွာကျလာတဲ့မိုးရေတွေ။
မျက်စိတစ်မှိတ်အတွင်းပဲ ပျောက်သွားတဲ့ပုံရိပ်လေး
"Terry မင်းဘယ်ရောက်သွားလဲ"
"နေပါဦး
ငါ့မှာပြောစရာတွေအများကြီးရှိသေးတယ်
ထပ်ပြီး ... ထပ်ပြီးတော့ထားမသွားပါနဲ့ဦး"
တင်းကျပ်လာတဲ့နှလုံးနေရာနဲ့အတူ ရွေ့လို့မရတဲ့ခြေထောက်တွေက အသက်ရှူနှုန်းတို့ကိုပါ တိုက်ခိုက်လာတဲ့အခိုက်တန့်
*ဒီ...ဒီ...ဒီ*
ဘောင်းဘီအိတ်ထဲကတုန်ခါမှု။
မြန်ဆန်လာတဲ့အသက်ရှူသံတွေက ချွေးစေးတွေကိုပါဆို့စေသည်။
တုန်ခါနေတဲ့ဖုန်းကို ထုတ်ကြည့်သည့်အခါ
တွေ့ရတဲ့ Unknown ဖုန်းနံပါတ်တစ်ခု
ဒီဖုန်းနံပါတ်
ဒီဖုန်းအဝင်
ဘဝကိုတစ်သက်လုံးခြောက်လန့်နေတဲ့တစ်ခါတည်းသော ဖုန်းအဝင်ကော်လ်ဟာ နှလုံးဒဏ်ရာမှာဓားတစ်ချောင်းလိုနစ်ဝင်နေလို့ ဘယ်တော့မှမေ့မရခဲ့ပါဘူး
YOU ARE READING
His Blonde ( Completed )
Fanfictionthe heart wants what it wants ~ Starting Date - 21.11.2022 Ending Date - 7.4.2024
