ရေမွှေးနံ့တို့မွှန်ထူနေသည့်အနီရောင်ပြိုင်ကားတစ်စီးအတွင်း..
နီရဲရဲပန်းပွင့်ပန်းခတ်များခြယ်မှုန်းထားသည့်လက်သည်းချွန်မြမြတို့ဖြင့် ဓာတ်ပုံတစ်ပုံကိုကိုင်ထားလျက် အောက်နှုတ်ခမ်းပါးကိုစေ့စေ့ကိုက်ထားသည့်အမျိုးသမီးတစ်ဦး။
သူမကိုင်ထားသောဓာတ်ပုံထဲတွင် တစ်ယောက်လက်ကိုတစ်ယောက်တွဲထားလျက် အပြုံးကိုယ်စီဖြင့်လမ်းလျှောက်နေကြသည့်ကောင်လေးနှစ်ယောက်ရှိသည်။
"ဒါကဘယ်သူလဲ!"
ဓာတ်ပုံထဲကကောင်လေးတစ်ယောက်ကို လက်ညိုးငေါက်ငေါက်ထောက်ပြရင်း Passenger ခုံရှိသူမနှင့်ယှဉ်လျှင်ခပ်နွမ်းနွမ်းဝတ်ဆင်ထားသည့်အမျိုးသမီးတစ်ယောက်ကိုဒေါသတကြီးလှမ်းမေးနေသည်။
"ချွဲဆူဘင်းရဲ့ချစ်သူဖြစ်ပုံရပါတယ် မမလေး"
"ငါ့ပြိုင်ဘက်ကမိန်းမမဟုတ်ဘဲ ယောကျာ်းတစ်ယောက်ဖြစ်နေတယ်တဲ့လား
နောက်ကြောင်းကရော?"
"အဖေက ချွဲမင်ဂျွန်း အမေက အီမီဟီး
အဖေဖြစ်သူက အရင်ကရတနာတွေကိုအရောင်းအဝယ်လုပ်ခဲ့တဲ့နာမည်ကြီးကုန်သည်ဖြစ်ပေမယ့် အခုတော့ပင်စင်ယူပြီး ဘူဆန်မှာအခြေချနေပါတယ်
အမေဖြစ်သူကတော့ နှလုံးအထူးကုဆရာဝန်ပါ"
"ချွဲမင်ဂျွန်း?
ဟက် နောက်ခံအင်အားကတောင့်သားပဲ"
"မမလေး
ဒီကောင်လေးရဲ့အဖေကိုသိတာလားရှင့်"
"သိတာပေါ့
စီးပွားရေးနယ်ပယ်ထဲမှာချွဲမင်ဂျွန်းကိုမသိတဲ့သူမရှိဘူး
တောင်ကိုးရီးယားရဲ့ ဒိတ်ဒိတ်ကြဲကုမ္ပဏီတွေအားလုံးနီးပါးမှာ အဓိကရှယ်ယာရှင်ပဲ
သေချာပေါက် ငါတို့ရဲ့ Im Group ရှယ်ယာတွေကိုလည်း ပိုင်ထားတဲ့အဖိုးကြီးလေ
ဒီကြားထဲ သူ့မိန်းမကလည်း မြောင်ဟိုဒုဆေးရုံအုပ်ဟောင်း အီမီဟီးဖြစ်နေတယ်တဲ့လား
ကျစ် ဆူဘင်းကရော ဒီလောက်ကြီးတဲ့ငါးကြီးဖမ်းမိထားတာ သိနေလား"
"အဲ့ဒါတော့ ကျွန်မလည်းသေချာမသိဘူး မမလေး"
"နင်သုံးရက်လောက်ဆူဘင်းကိုနောက်ယောင်ခံလိုက်ထားတာပဲ
နင့်အမြင်နဲ့ပြောကြည့်စမ်းပါ"
YOU ARE READING
His Blonde ( Completed )
Fanfictionthe heart wants what it wants ~ Starting Date - 21.11.2022 Ending Date - 7.4.2024
