၂၀၃၂ ခုနှစ် စက်တင်ဘာလ
ဆွစ်ဇာလန်နိုင်ငံ Zermatt မြို့တော်။
သဘာဝတောင်တန်းများ ပတ်လည်ဝိုင်းကာခြံရံလျက် ဆိတ်ငြိမ်စွာတည်သောမြို့လေးသည် မျက်လုံးပို့လိုက်သည့်နေရာတိုင်းအလှတရားများဖြင့် ခမ်းနားစွာတန်ဆာဆင်ထားလျက်ရှိသည်။
အုတ်ဖြင့်ဆောက်ထားသော ဗိသုကာပြောင်မြောက်သည့် အဆောက်အအုံများသည် ဥရောပနိုင်ငံ၏ အငွေ့အသက်များအား အပြည့်အဝခံစားနိုင်စေသည်။
မြို့တော်၏ဝဲဘက်တွင် စိမ်းညို့ရောင်မှိုင်းသော တောင်တန်းများရှိပြီး ယာဘက်တွင်နှင်းဖုံးသောအဖြူရောင်ရေခဲတောင်တန်းများ ကာရံထားသည်။
အသက်ဝင်နေသောပန်းချီတစ်ချပ်ဟုတင်စားရလောက်အောင် သာယာသောအလှအပ။
ဝေဟင်ဟာပြာရီလျက် စစ်ပွဲမဲ့ပြယုဒ်အဖြစ် ကမ္ဘာမြေ၏ဂုဏ်ယူစရာအဖြစ်ရပ်တည်သော မြို့ပြသည် ယမန်နေ့တွင်လည်းပဲ ငြိမ်းချမ်းစွာ စည်ကားစွာလည်ပတ်လျက်ရှိသည်။
Luzerner Sinfonieorchester မည်သော Orchestra ပွဲကြီးအပြီး ခမ်းနားသောဇာတ်ရုံ၏နားနေခန်းတွင် မြင်လွှာနှစ်ဖက်ကိုမှိတ်ချလျက် အမျိုးသားတစ်ယောက် အနားယူလျက်ရှိသည်။
*ဒေါက် ဒေါက်*
"ချွဲယောန်ဂျွန်းရှီ
အမျိုးသားတစ်ယောက်ဧည့်တွေ့ခွင့်တောင်းနေလို့ပါရှင့်"
တံခါးအပြင်ကဝန်ထမ်းမလေးအသံကြောင့် ဆိုဖာခုံမှာသက်တောင့်သက်သာမှီလျက်ထိုင်နေရာက ခန္ဓာကိုယ်ကိုမတ်ကာ မျက်လုံးတို့ကိုဖွင့်လိုက်ရင်း
"ဘယ်သူတဲ့လဲ"
"ချွဲဘောမ်ဂယူလို့ပြောပါတယ်"
"အာ ဘောမ်ဂယူလား?
အခန်းထဲလမ်းပြပေးလိုက်ပါလား"
"ဟုတ်ကဲ့"
ဒေါက်ဖိနပ်အသံတဒေါက်ဒေါက်သည် အခန်းဆီကဝေးကွာသွားပြီးနောက် မကြာခင်မှာ အခန်းထဲကို လူတစ်ယောက်ဝင်လာသည်။
"ဟေး ချွဲယောန်ဂျွန်း မတွေ့ရတာကြာရောပေါ့"
အပြုံးရွှင်ရွှင်ဖြင့်နှုတ်ဆက်သူဟာ မျက်နှာချင်းဆိုင်ကထိုင်ခုံမှာဝင်ထိုင်လိုက်သည်။
YOU ARE READING
His Blonde ( Completed )
Hayran Kurguthe heart wants what it wants ~ Starting Date - 21.11.2022 Ending Date - 7.4.2024
