Unicode ver
မှောင်ပိတ်သည့်အခန်း
နွေးထွေးသည့်ကိုယ်ဓာတ်ငယ်ကိုပွေ့ချီထားလျက်ပဲ နံရံကမီးခလုတ်ကိုနှိပ်လိုက်သည့်အခါ ဖြတ်ခနဲလင်းလာသည့်မီးရောင်အောက် လှပစွာဖြာကျနေသည့်မျက်တောင်ရှည်လေးတွေကို မှင်သက်စရာ မြင်ရသည်။
အိပ်စက်နေတဲ့မင်းသားလေးကို မွေ့ယာကုတင်ထက်နေရာချတယ်
ဖြည်းချင်းစွာပဲ
ယုယစွာပဲ
သိမ်မွေ့လွန်းတဲ့အပြုအမူတစ်ခုချင်းစီက ရင်ခွင်ထဲကပန်းပွင့်နုနုလေးကို နည်းနည်းလေးမှ အပွန်းအပဲ့မခံစေချင်သလား?
လှဲလျောင်းစေတဲ့ရပ်ဝန်းဟာ ဖိလိုက်ရင်ဆွေးခနဲနစ်ဝင်သွားပါတဲ့ အိစက်စက်ရေမွေ့ယာဆိုတာ သတိပေးချင်ပါရဲ့
မင်းသားငယ်လေးနေရာတကျဖြစ်သွားပါတော့ နံဘေးမှာအသံတိတ်လှဲလျောင်းသည်။
ဘေးတိုက်မြင်နေရတဲ့ မျက်နှာလှလှလေးက လူ့လောကကြီးဆီကို မှားယွင်းပြီးရောက်လာသလားအောက်မေ့ရလောက်အောင် လှပလွန်းတာမှ နှိုင်းပြစရာစကားလုံးတောင်မရှိ
တင်္ဒဂငေးစိုက်နေရင်းက ဝိုက်ခနဲဝေ့တက်လာတဲ့မျက်ရည်စတွေ
ဘာကြောင့်လဲ မသိပေမယ့် ရင်ထဲကဆွေးမြည့်မြည့်ခံစားချက်ဟာ တလှိုက်လှိုက်
ဒီဖြစ်တည်မှုလေးကို ပိုင်ဆိုင်ထားပါတယ်ဆိုတဲ့ အသိရယ်
ဒီဖြစ်တည်မှုလေးကို တစ်နေ့နေ့မှာမလွဲမသာဆုံးရှုံးသွားခဲ့ရရင် ဆိုတဲ့ အကြောက်တရားရယ်
လွန်ဆွဲနေတဲ့ ခံစားချက်တွေကို စကားလုံးနဲ့ရိုးရှင်းစွာဖော်ပြပါဆိုရင် သေလောက်အောင်ချစ်ပါတယ်ဆိုတဲ့ စကားတစ်ခွန်းကိုသာ ထယ်ဟျွန်းဆိုဖြစ်မယ်
ချစ်ပါတယ်
ရူးလောက်အောင်ချစ်ပါတယ်ဆိုတဲ့ ထိန်းမရသိမ်းမရခံစားချက်တွေကို ယမကာအစွမ်းကြောင့် အပေါင်းအဖော်တွေရှေ့ရင်ဖွင့်မိလေတော့
'မင်းချစ်သူကလှတာကို
ချစ်သူလှလှလေးရှိရင် ငါတို့လည်းမင်းလိုပဲချစ်မှာပေါ့' တဲ့
သေသေချာချာမှတ်မိနေသေးတဲ့ တုန့်ပြန်စကား..
ပြန်ကြားယောင်ရင် အခုထိလှောင်ရယ်ချင်နေတုန်း..
YOU ARE READING
His Blonde ( Completed )
Fanfictionthe heart wants what it wants ~ Starting Date - 21.11.2022 Ending Date - 7.4.2024
