Unicode ver
"ဟာ ချွဲယောန်ဂျွန်းလာပြီ
ဒီလာထိုင် သားကြီး"
အထက်တန်းတုန်းကဘော်ဒါတစ်ယောက်လှမ်းခေါ်တဲ့နေရာမှာ ထိုင်လိုက်သည်။
မျက်နှာချင်းဆိုင်က လူဟာ တင်ပျဥ်ခွေထိုင်နေရာက ခပ်ဆက်ဆက်ဖြင့် မျက်နှာကိုတစ်ချက်မော့ကြည့်၏။
ထိုလူက ချွဲဘောမ်ဂယူပင်။
ကလေးဆန်တယ်ပဲပြောပြော ရန်ဖြစ်ပြီးကတည်းက မခေါ်မပြော နေလာတာမလို့ နည်းနည်းတော့နေရခက်သည်။
ဒါပေမယ့်လည်း ပြန်ပြေလည်နိုင်မယ့်အခွင့်အရေးပဲမလား
ပြုံးပြဖို့လုပ်တုန်း မသိချင်ယောင်ဆောင်ကာ မျက်နှာကိုပြန်ငုံ့သွားတဲ့သူက ဘေးလူနဲ့စကားပြောသလိုလုပ်နေ၏။
ဒီကောင် ကိုယ့်ထက်ကလေးဆန်တဲ့ကောင်ဆိုတာ မေ့နေတာ
တင်ပျဥ်ခွေထိုင်ချလိုက်ပြီး ဘေးကဘော်ဒါ လှမ်းပေးလာတဲ့အရက်ခွက်ထဲက ဆိုဂျူကိုသောက်လိုက်သည်။
"ယောန်ဂျွန်းရော ဘာတွေလုပ်နေလဲ"
"ဒီလိုပါပဲ ကလေးတွေကို တယောသင်လိုက်
Orchestra တွေမှာလိုက်တီးလိုက်ပေါ့"
"နောက်လ First chair မှာဖျော်ဖြေမှာဆို"
"First Chair ဆိုတာဘာလဲကွ?"
"အဓိကနေရာကိုပြောတာကွ
မျက်နှာရော နာမည်ရော ပိုက်ဆံရောအရဆုံးလေ"
"ဟာ ဂုဏ်ပြုပါတယ်"
"ယောန်ဂျွန်းအတွက်တော့အရာရာလွယ်မှာပါပဲ
ဒီကောင်ကပိုက်ဆံချမ်းသာတယ်လေ ဟားဟားဟား"
မင်ဆူဆိုတဲ့ငနှဲ..
ရေချိနိကိုက်နေတဲ့မျက်လုံးတွေနဲ့ ရွဲ့သလိုစောင်းသလိုဆိုလာတဲ့ကောင်က ကျောင်းတက်ကတည်းက ယောန်ဂျွန်းကို အကြောင်းမရှိအကြောင်းရှာပြီး စကားနာလိုက်ထိုးတတ်တဲ့သူ။
*ဒုန်း*
လက်ထဲကအရက်ခွက်ကိုကိုင်ပြီး စားပွဲကိုထုလိုက်တာက ဘောမ်ဂယူ။
"အာချောင်တာလား မင်ဆူ"
"အမှန်.....အေ့....ပြောတာပဲလေ...ဒီတစ်ခါရော ငွေ...ဘယ်လောက်ပေးလိုက်ရလဲ ကျောင်းတုန်းကအတိုင်း မင်းပါပါးကလိုချင်သမျှကို ပိုက်ဆံလိုက်ပေးနေတုန်းပဲလား
YOU ARE READING
His Blonde ( Completed )
Fanfictionthe heart wants what it wants ~ Starting Date - 21.11.2022 Ending Date - 7.4.2024
