Unicode ver
၈ လွှာထက်ကလေဟာနယ်ဝယ် ဆင်းချထားတဲ့ခြေထောက်နှစ်စုံ
တစ်ယောက်ယောက်က ခပ်သာသာလေးတွန်းလိုက်ရင်တောင်ပြုတ်ကျသွားနိုင်တဲ့အနေအထားက ရင်ဖိုစရာကောင်းပေမယ့်လို့ ပါးချိုင့်တွေကြောင့်ဖြစ်တည်နေတဲ့ ရင်ခုန်မှုကိုတော့ မကျော်လွန်နိုင်ပါ
"အာ ဒီလိုရာသီဥတုနဲ့ ဒီလိုမြင်ကွင်းနဲ့
ဘီယာလေးနဲ့သာဆိုရင်ကွက်တိပဲ"
"သောက်ချင်လို့လား"
"ဟင့်အင်း မူးချင်လို့"
ဆူဘင်းကခပ်ပါးပါးပြုံးကာတုန့်ပြန်ရင်း ဂျာကင်အိတ်ကပ်ထဲကတစ်စုံတစ်ခုကို ရှာဖွေနေသည်
ထို့နောက် လက်ချောင်းသွယ်သွယ်တို့ကြားညှပ်ပါလာတဲ့စီးကရက်တစ်လိပ်
စျေးဆိုင်တွေမှာရောင်းတဲ့စီးကရက်တွေလို အလုံးပတ်မှာ တံဆိပ်မပါတာကြောင့် လက်လုပ်စီးကရက်မှန်းသိရသည်။
"ဆေးခြောက်?"
"အင်း"
တင်္ဒဂတုံ့သွားပေမယ့် ကမ်းပေးနေတဲ့လက်ကို နောက်တစ်ခါဆတ်ပြလာတာကြောင့် လက်ချောင်းသွယ်သွယ်ကြားက စီးကရက်ကို လှမ်းယူဖြစ်သည်။
"ဘယ်လိုသောက်ရတာလဲ?"
"စီးကရက်သောက်တတ်လား?"
"အင်း လွန်ခဲ့တဲ့သုံးနှစ်ကမှဖြတ်လိုက်တာ"
မီးခြစ်တစ်လုံးကို ဘောင်းဘီအိတ်ကပ်ထဲကနှိုက်ယူနေသည်။
ထို့နောက် မီးတောက်တစ်ခုကိုမျက်နှာရှေ့နီးနီးမှာဖန်တီးပေး၏။
စီးကရက်ကိုနှုတ်ခမ်းမှာကိုက်ခဲရင်း လေယူရာယိမ်းနွဲ့တဲ့မီးတောက်ငယ်မှာ လောင်မြိုက်စေသည်။
မြင်ကွင်းအနီးက အတော်အတန်အသုံးပြုပြီးပုံပေါက်တဲ့ လေးထောင့်ပုံစံရွှေရောင်မီးခြစ်ခပ်လှလှ။
စီးကရက်မှာမီးစွဲသွားသည်နှင့် မီးခြစ်အဖုံးကိုပြန်ပိတ်လိုက်တဲ့အခိုက်တန့် လျပ်တပြက်လှမ်းမြင်လိုက်ရတဲ့ အဖုံးအနားကွပ်မှာထွင်းထားတဲ့စာအချို့။
*Always Remember Me*
အရွယ်အစားအနည်းငယ်ကြီးတဲ့စာတစ်ကြောင်းကိုတော့ သေသေချာချာ မြင်လိုက်ရပေမယ့် ထိုစာကြောင်းရဲ့ညာဘက်အောက်ခြေမှာခပ်သေးသေးထွင်းထားတဲ့စာကြောင်းသေးသေးလေးကိုတော့ မမြင်လိုက်ရ။
YOU ARE READING
His Blonde ( Completed )
Fanfictionthe heart wants what it wants ~ Starting Date - 21.11.2022 Ending Date - 7.4.2024
