ကနေဒါကပြန်ရောက်လာပြီး တစ်လဟူသည့်အချိန်ကျော်လွန်သည်။
ယောန်ဂျွန်းဘဝဟာ ပုံမှန်အတိုင်းလည်ပတ်နေပြီ။
ဆူဘင်းမရှိတော့ကလွဲရင်
ဆူဘင်းနဲ့သက်ဆိုင်တဲ့မှတ်ဉာဏ်တွေကို ပွေ့ပိုက်ပြီး အသက်ရှင်နေတာကလွဲရင်။
*ပွမ်*
လာမယ့်ဖျော်ဖြေပွဲအတွက်လေ့ကျင့်ပြီး ဇာတ်ရုံထဲကအထွက် ကားတစ်စီး၏ဟွန်းသံက ယောန်ဂျွန်းရဲ့အကြည့်တို့ကိုဆွဲဆောင်လိုက်သည်။
"ဟျောင်း"
ရုံရှေ့မှာရပ်ထားတဲ့ နီရဲရဲ lamborghini ကားတစ်စီး။
အနက်ရောင်ကားမှန်ပြတင်းကတဖြည်းဖြည်းကျလာပြီး သဲကွဲစွာမြင်လာရတဲ့ကားထဲကအမျိုးသားဟာ ပြုံးပြလျက် လက်တစ်ဖက်ကိုဝှေ့ယမ်းပြနေသည်။
"ညနေစာသွားစားကြမယ်လေ တက်"
"ညနေစာလည်းမစားဘူး
မင်းကားပေါ်လည်းမတက်ဘူး"
ခပ်ထေ့ထေ့ရယ်လိုက်သူက ကားဟွန်းကို ဒုတိယအကြိမ်တီးသည်။
တတိယအကြိမ်။
စတုတ္ထအကြိမ်။
Lamborghini ကားဖြစ်သည့်အလျောက် ရပ်နေသည့်တိုင် လူအများစုရဲ့အကြည့်ကိုအပိုင်ဆွဲထားနိုင်သည်။
ထိုအချက်အားထောက်ပခြင်းမပြု တိပတဲ့ ဟွန်းတီးသံကို အကြိမ်ကြိမ်မြည်စေသည့်အခါတွင်တော့ ဖြတ်သွားဖြတ်လာလူအားလုံးက သူတို့ကိုလှည့်ကြည့်လာကြပြီ။
ယောန်ဂျွန်းက ကားဆီကိုကပ်သွားလိုက်ပြီး ချထားတဲ့ကားမှန်ပြတင်းဆီကနေ စတီယာတိုင်ကို လက်တစ်ဖက်နဲ့ထိန်းကိုင်လိုက်ကာ တရစပ်ဟွန်းတီးနေတဲ့အမျိုးသားရဲ့လှုပ်ရှားမှုကိုရပ်စေလိုက်သည်။
"ဘယ်လိုဖြစ်နေတာလဲ ကင်ဒန်"
"တက်လေ
ဟျောင်းတက်လိုက်ရင် ပြီးသွားမယ့်ကိစ္စကို"
ယောန်ဂျွန်းက ခေါင်းကိုတရမ်းရမ်းခါလိုက်မိသည်။
ဒီတစ်လအတွင်း ကင်ဒန်က သူ့ကိုအနှောင့်အယှက်အတော်ပေးပါသည်။
"ရှင်းရှင်းပြောမယ် ကင်ဒန်
မင်းဒီလိုလုပ်နေတာ ငါ့အတွက်အရမ်းစိတ်ရှုပ်ဖို့ကောင်းတယ်
မင်းဘာလိုချင်လို့ ငါ့ကိုဒီလိုဒုက္ခပေးနေရတာလဲ"
YOU ARE READING
His Blonde ( Completed )
Fanfictionthe heart wants what it wants ~ Starting Date - 21.11.2022 Ending Date - 7.4.2024
