Unicode ver
"ကျွန်တော်မလာနိုင်လောက်ဘူး"
သက်ရောက်မှုမရှိ ငြိမ်သက်ရာသမုဒ္ဒရာဟာ လေတစ်ချက်အဝှေ့ လှိုင်းထန်တဲ့ပင်လယ်ပြင်အဖြစ်ပြောင်းတယ်
"မင်း..ပြောတော့လာပေးမယ်ဆို"
"ဆောရီး
ကျွန်တော်ကတိမတည်နိုင်ဘူးဖြစ်သွားတယ်"
ရည်ရွယ်ထားတဲ့ရွှေရောင်လက်မှတ်လေးဟာ တုန်ရီတဲ့လက်သေးသေးလေးမှာ ကျစ်ကျစ်ပါလို့
"ကိုယ်ဒီရက်ကိုဘယ်လောက်မျှော်ထားလဲသိရက်နဲ့"
"သိပါတယ်...
အဲ့ဒါကြောင့်လည်းကျွန်တော်တောင်းပန်နေတယ်မဟုတ်လား"
"အကြောင်းပြ..ချက်က..ဘာလဲ"
နှုတ်ဆိတ်လျက် မျက်နှာလွဲတယ်
"အကြောင်းပြချက်လေးတောင်မပေးနိုင်လောက်တဲ့အထိ ကိုယ်ကမင်းအတွက်အရေးမပါဘူးလား"
ဆူဘင်းကစိတ်ရှုပ်သွားသလို မျက်မှောင်ကိုကြုံ့တယ်
"Hyung အခုတလောလိုချင်တာတွေသိပ်များလာတယ်
ကျွန်တော်တို့သဘောတူထားတဲ့ကတိကအဲ့လိုမဟုတ်ဘူးထင်တယ်"
ဆူဘင်းစကားဟာမမှားဘူး
မြင်ရရုံနဲ့မတင်းတိမ်နိုင်တော့တဲ့တစ်နေ့ဟာ သူနဲ့ကိုယ်ရဲ့အဆုံးသတ်ဖြစ်လာမယ်လို့ သူကိုယ်တိုင်သတိပေးထားခဲ့တာမလား
"ဒါပေမယ့် ကိုယ်..မင်းကိုဘာမှလည်းလွန်လွန်ကျူးကျူးမတောင်းဆိုခဲ့ဖူးပါဘူး"
"အဲ့ဒါကြောင့် အခုထိကျွန်တော်နဲ့အဆင်ပြေနေခဲ့တာလေ"
"အွန်း ဟုတ်တယ်
ကိုယ်ကပဲလိုက်ညှိပေးနေခဲ့တာ
ကိုယ်ကပဲချစ်နေခဲ့တာ"
ပြိုကျချင်နေတဲ့အကြည့်တွေက ဆူဘင်းရဲ့ရင်ဘတ်ကိုအင်မတန်မွန်းကျပ်စေတယ်
"Hyung ကဘာတွေကိုမျှော်လင့်နေတာလဲ
မဟုတ်မှ ကျွန်တော် Hyung ကြောင့်ပြောင်းလဲသွားနိုင်တယ် ကျွန်တော့်ကို Hyung က ပြောင်းလဲနိုင်တယ်လို့တော့ ရူးကြောင်ကြောင်တွေးနေတာမဟုတ်ဘူးမလား"
အရှိုက်တည့်တည့်ထိတဲ့စကားက လက်တွေ့ဆီကိုတွန်းထုတ်တယ်
ကျွန်တော်က ရုပ်ရှင်ဒရမ်မာတွေထဲကလို သူပြောင်းလဲသွားမှာကိုမျှော်လင့်နေခဲ့မိတာလား
YOU ARE READING
His Blonde ( Completed )
Fanfictiethe heart wants what it wants ~ Starting Date - 21.11.2022 Ending Date - 7.4.2024
