Unicode ver
ပြောင်းလဲမှုတွေကိုနိဂုံးချုပ်တဲ့ ဒီဇင်ဘာ
နှင်းစိုင်တို့ ဝေဟင်ကပြိုကျရင်း
ကုန်လွန်ခဲ့တဲ့ ၁၁ လတာကို ခေတ္တခဲစေကာ အသစ်အသစ်သောအရာများကို ပြန်လည်စတင်နိုင်ဖို့ရပ်တန့်ပေးသော အချိန်ယန္တရားတစ်လတာ။
ဒီနှစ်အတွင်းမှာ ဘာတွေများပြောင်းလဲခဲ့သလဲ?
ကောင်းတာတွေချည်းကြုံခဲ့ရတာမျိုးမဟုတ်ပေမယ့် ဒီနှစ်ကိုတော့ အကောင်းဆုံးနှစ်တစ်နှစ်လို့သတ်မှတ်တယ်
အလှဆုံးငွေစင်ရောင်တွေနဲ့ ဆုံခွင့်ရခဲ့တယ်လေ
စိတ်လှုပ်ရှားစရာကောင်းတဲ့ ပွဲတော်ညဟာ မြူဆိုင်းတဲ့ဝေဟင်နဲ့ သံပြိုင်ဆိုတဲ့တေးသွားတို့နဲ့ အသက်ဝင်တယ်
ခမ်းနားတဲ့ စင်မြင့်ပေါ်မှာ မြကျွန်းရောင်တယောတစ်လက်ကို သားရေအိတ်အနက်ရောင်ထဲ တိတ်တဆိတ် သိမ်းဆည်းနေသည့်သူ
အနီးပတ်ဝန်းကျင်မှာ အရွယ်အစားစုံလှတဲ့တူရိယာအမျိုးမျိုးကို ထမ်းပိုးထားသူများက အသီးသီးရင်ခုန်မှုများကြောင့် ဆူညံလျက်ရှိသည်
"ခရစ်စမတ်အကြိုညလေ
ငါ့ကောင်မလေးနဲ့တွေ့ရဖို့ကို မစောင့်နိုင်တော့ဘူး"
"မင်းတို့က ဘယ်မှာချိန်းထားကြတာလဲ"
"နမ့်ဆန်တာဝါကွ မင်းတို့ကရော"
"ငါတို့က Michelin Restaurant မှာဘိုကင်လုပ်ထားတယ်"
"ဟာ မိုက်လှချည်လား"
စိတ်လှုပ်ရှားမှုတို့နဲ့အတူ မြင့်တက်နေတဲ့အသံတွေက ဂုဏ်ယူဝင့်ကြွားစွာ
"မင်းကရော ဘာအစီအစဉ်တွေရှိလဲ"
"ရည်းစားမှမရှိတာ ချောင်မှာကြိတ်ငိုနေမှာပေါ့"
"ဟေ့ကောင်တွေ မစော်ကားနဲ့ကွ ငါလည်းဘော်ဒါတွေနဲ့အစီအစဉ်ရှိပါတယ်"
"ငါကတော့ အိမ်မှာစောင့်နေတဲ့မိန်းမနဲ့ မိသားစုနဲ့ပေါ့"
ပျော်စရာကောင်းတဲ့ အမှတ်တရတွေကိုဖန်တီးဖို့ တာဆူနေကြတဲ့လူတစ်စုအကြား ဖုန်းစခရင်ကိုသာ သည်းကြီးမည်းကြီး စူးစိုက်ကြည့်နေသူရှိသည်
YOU ARE READING
His Blonde ( Completed )
Fanfictionthe heart wants what it wants ~ Starting Date - 21.11.2022 Ending Date - 7.4.2024
