انتقام العيون

البارت ١٠

بعد اسبوع  جمانه وهي  ماشايفه نور ..

من اجت نور كانت لابسه اسود وملامح الحزن واضحه عليها شبكتها وعزتها وحاولت تهديها لكن نور حتى من اجت للكليه ماكدرت تغير من صدمتها بموت اخوها واتخربطت وطاحت البنات التمت عليها ولان جمانه اقرب وحده الها اقترحوا الها تخابر اهلها يجون عليها...

جمانه ماعرفت شتسوي اخذت تلفون نور ودكت على اول رقم الي كان رقم شهاب ...

جمانه بارتباك: الووو ..

شهاب : ها نور شنو خلصتي ؟

جمانه بخجل : لا خويه اني جمانه صديقتها لنور .نور تعبت ووكعت واني يمها بلكن تجي عليها بسرعه..

شهاب : هسه اجي انه قريب اصلا تكدرين توكفينها؟؟

جمانه بارتباك وهي حاطه التلفون على اذنها : ها ..نور اخوج يكول توكفين لو خاف هماتین توکعین نور . ونورکانت اصلا واكعه .وماتكدر ترد شهاب وهو اول مرة يسمع صوت جمانه قال : تمام خاف ماتكدرين انه جايه وين انتو بالضبط ؟

جمانه : بالحديقه يم  النادي

بعد فتره قصيره اجه شهاب وكان اول مرة يكون قريب من جمانه هیچ اخذ نور وطلب من جمانه

تجيب جنطتها وملازمها وتوصلهم للسياره .

وبعد ما دخل نور ورتب كعدتها بالسياره دار علی جمانه واخذ منها الاشياء .وتشكر منها..

جمانه كانت اول مرة تشوف شهاب بهالقرب هذا وتذكرت كان عدهم فاتحه .

جمانه : اسفه اخي البقيه بحياتك ..

شهاب وهو يسد باب السياره : حياتج الباقيه .

وحرك السياره وانطلق

جمانه بهالموقف المحرج والناس تتفرج نست تلفون نور بيدها .استحت تدك علمود التلفون وقررت يبقا عدها لحت ترجع نور وتداوم . ...

بمكان ثاني وتحديدا في بستان شيخ حسن الحارس : الووو ... سيدي لكيت دليل قريب من المكان .

شهاب : ها شنو لکیت ؟

الحارس : سيدي لكيت اثر مكان واحد كان خاتل بيه وطايح منه سبحه ..

شهاب : تمام خليك هسه اجي وامر لك انه بالطريق .

شهاب اخذ نور للمستشفى واتصل على البيت يجون يمها وراح للحارس لان هالدليل الوحيد الي راح يوصله للقاتل .

زيد كان يتابع حركات سعيد وعين احد الحراس يراقب كل تصرفاته دون مااحد يعرف . ومن ناحيه ثانيه كان متردد خاف يكون شكه بالرجال يبعده عن القاتل الحقيقي .

سعيد كان خايف يكشفونه فقرر يذب التهمه براس زيد ماكان يعرف ان زيد ينتظر فرصه عليه . لذا سعيد دخل  للديوان بحجت محتاج فلوس وقرر يسرق سبحه زيد ويشمرها بالمكان وبالفعل دخل للديوان  وسرق السبحه لكن من توجه للبستان و شمرها بالمكان الحارس الي عينه زيد كان يتبعه فعرف اله دخل بالجريمه من شافه دخل للبستان حارس بیت شیخ جاسم بلغ زید ان سعيد مر بالشارع الفرعي الفجر وراح داخل بستان بیت شیخ حسن وهنا تاكد زيد ان سعيد اله دخل بالجريمه