انتقام العيون

البارت ٣٦

زيد : طالب لاتدخل بينه

طالب بعصبيه : واني  مستحيل اخليك تحطمها مره ثانيه فهمت ...

جمانه باحراج وخوف : طالب ... كافي

زيد كان نفذ صبره مايريد يخسر جمانه مرة ثانيه هجم على طالب وضربه وهو يقول : بسببك بعدتها عني وهسه جاي تريدني اتركها ..

على صوتهم مازن وزهورة وانتصار صعدوا

مازن لزم زيد وانتصار وزهوره واكفات

طالب : اليوم تفسخ وغصبن عليك
زهورة : طالب  انت ليش تريد تفرقهم مو تدري جمانه  تحب زيد  ..
طالب خزر زهورة وهو يكول بعصبيه : لا تدخلين

مازن : طالب خويه اترك القرار الهم

زيد بصياح  :  للموت مااتركها فهمت

طالب : لعد سهله انه اموتك بيدي
وهجم عليه يريد يضربه ...

من الخوف والتعب جمانه وكعت
زيد ركض الها وهو يصيح : جمانه حبيبتي شبيج ...

زهورة : تعال حطها على الفراش

انتصار : هاك هذا ماي رشه على وجها ...

طالب : والله زيد اذا صار لاختي شي محد يخلصك مني
مازن : خويه طالب زيد تعالوا ننزل تركوا البنيه ترتاح يله

ام زيد من جوه الدرج تصيح : ولكم يمه شكو شنو هالصوت شنو صاير؟؟

زهورة : ماما ماكو شي طالب جاي بتشاقه ويا زيد ..

طالب خزرها مايريد يتكلم وياها ..

انتصار: خويه نزلوا جوا  بلا زحمه خلوا البنيه ترتاح

طالب : جمونه شلون صرتي
زيد : جمانه اخذج للمستشفى
جمانه بتعب : لا ...ما بيه شي

طالب : خويه ارتاحي ...ارتاحي انتي تعبتي

..........

طلع طالب وزيد ومازن ونزلوا الدرج

مازن : صدك جذب شبيكم ...

طالب بحده  : من اختك تنشل وتنعمي تعال كلي شبيك ...

زيد : كافي ...انت ليش تلومني على شي مالي ذنب بيه ...

مازن : طالب خويه كتلك زيد كلشي سواه بس لخاطركم وتالي هيج تجازيه ...

طالب : لخاطرنه ؟  ... لعد خلي يكمل فضله ويفسخ الخطبه
زيد : طالب كافي لاتدخل بيني وبين جمانه .

الشيخ جاسم : بويه طالب تعالوا هنا

طالب كعد وهو يفكر بجمانه من جهه وبامه من جهه ثانيه
الشيخ جاسم : شوف بويه ...لو اعرف جمانه ماتحب زيد من هاللحظه انه افسخ الخطبه بس كلنه نعرفهم ...بويه خابر امك وهسه احدد وياها الاسبوع الجاي عرسهم ...

طالب بتفاجا : شنو ...الاسبوع الجاي

الشيخ جاسم : بويه الولد يريد مريته وهي تريده ...ليش نفرقهم ...