بعد الخطبه ...
جمانه صعدت غرفتها وزهورة تساعدها ننزع البدله وكعدت تبدل البدله وطبت سبحت زهورة تغني وتضحك وعايشه عالمها الخاص وهي تعلك البدله
.من طلعت جمانه من الحمام بدت تمشط شعرها وهي تسال زهورة : اكلج هسه الي يشوفج مو يكول صدك خطبه ولاعبالك هاي کله تمثيليه !!
زهورة وهي تذب نفسها على السرير بتعب زهورة قالت بضحك : اكلج جمونه بماانه انتي صرتي مرت اخوي شلون راح نقسم الشغل هسه ؟
جمانه وزهورة (بقن يضحكن سوا على هالكلام ) وبعد شویه بدت عيون جمانه تنزل دموعها لان بعدهي مامستوعبه كل شي صار ..
زهورة : ياااء.... يااء ...ليش تبجي ولج شكو جمانه؟؟؟
جمانه بصوت مخنوك : خايفه ... خايفه زهورة !!
زهورة : بله هسه الي يسمعج مو يكول داخله صدك على حياة جديده ؟ شو عمتج هي عمتج وعمج هو عمج وانتصارو هي انتصارو منو الجديد بله بحياتج حت زيد صرتي تعرفينه اكثر مني يوميا رايحه راجعه وياه . اصلا عیب تسمين روحج انخطبتي انتي كبل متزوجه مع وقف التنفيذ...
جمانه شعرت بخجل من كلام زهورة شمرت عليها المخده .
بوقت سابق وتحديدا قبل الخطبه ...
زيد اخذ جنطه جمانه وفتحها ..
وكان بيها تلفونين الاول عرفه مالت جمانه والثاني الي كان لنور وبس نقر علیه طلع رساله جایه مکتوب بيها ( جمانه ردي انه شهاب ورساله ثانيه مكتوب جمانه جاي اتصل على تلفونج ردي علي ) ومكتوب 36 مكالمه فائته ...
زید عرف جمانه كذبت عليه وشهاب مو مسؤل شؤن الطلبه لكن ماكان يتوقع هو نفسه الي كان مسميته ( الحب ) وطبعا الظنون كفيله حتى تكمل شكوك زيد بان نور اخت شهاب هي الوسيط بينهم ويمكن كانوا يتواصلون بالتلفون عن طريق جهازها .
بقا ساکت وداخله يغلي ويحاول يربط كل تصرفات جمانه ولبسها ووكفتها بالبوابه وعنادها بشهاب وحتى كلام شهاب بالحادث
*****
جمانه وهي تنزع الذهب وترتبه بالعلب : اكلج زهورة خلي ننزل الذهب عند عمه هنا يضيع بين الغراض والملازم .
زهورة وهي التفتت لزيد وهو ياشر الها طلعي وكل اعتقادها جاي حت يسلم على جمانه ويبارك الها مثل كل مخطوبين فطلعت بهدوء وسدت الباب بدون ماتنتبه جمانه الي باقيه تسولف على التسريحه والحلاقه ومن دارت لكت زيد واكف وراها وبيده الجنطه والتليفونات جمانه بخوف وخجل لان كانت بدون حجاب : زيد .. ؟
زيد وهو يشمر الجنطه بحظنها تكلم بحده وعصبيه : راح اسالج سؤال واحد وردي علي؟ بس اياني واياج تجذبين ! 😡
جمانه هزت راسها بخوف بمعنى اي ..
زيد : منو شهاب ؟؟ (الحب ) موو؟
أنت تقرأ
انتقام العيون
Romansaقصه عاطفيه باللهجه العراقيه جمعت انتقام قديم وحب جديد وخلافات الشيوخ جمعت عناد بنت بغداد وغيرة ابن البصره قصه حقيقيه واغلب احداثها من واقعنه .... وتتناول مشاكل العشائر المتعدده بسلبياتها وايجابياتها قد تكون جريئه الطرح لكن لتوصل الصورة واضحه وكامل...
