انتقام العيون

البارت ٦

... صعدت جمانه بسرعه دخلت  للغرفه وهي تحس انها  ملاذها الوحيد انقهرت من كلام زيد بس الي قهرها  مو بس طريقته وياها بالكلام وانما شلون هیچ يشك بيها ضربت على السرير بايدها وهي تكعد عليه وكالت بصوت مكبوت : اشايف علي زيد وهيج دتحجي ..

كانت معصبه ومقهورة لادموعها الي نزلت من حركت كلبها ولا شي قللت من قهرها  ..كملت كلامها : انت منو حت هیچ دتتحكم بيه لو لان اني ابيتك تذلني وكل شويه تعلق على شي بيه صوتج لبسج ضحكج...

دخلت زهورة وهي متفاجاه بدموع جمانه : خیر جمونه منو زعلج ؟

جمانه بقهر ودموعها تنزل : اکو غیر اخوج شیخ زید ..حجتها بعصبيه ودارت وجها من القهر..

زهورة وهي تعرف اخوها  مستحيل يسوي شي غلط بس الفضول يخليها تريد تعرف القصه شنو ؛

زهورة : على كيفج جمون هسه اول احجي شنو صار حت افتهم شكو مو كبل نزلتي دموعج ؟

جمانه وهو تحجي وتبجي : يكلي واكفه تضحكين وشفتج وشمسويه من وراي... شنو اشايفني ؟

زهورة وهي فهمت غيرت اخوها وبداخلها تكول حقه غير حلوه ويغار عليها : جمونه بس هیچ کال وهي الدموع كلها !! زين ولايهمج انه اروحله مخصوص واشوف شبيه يغار عليج حت اكله ( وهي تلطف الموضوع وتهديها ) بعد لاتغار على جمانه خانم جمیلت الجميلات خاف تضوج .. (وضلت تضحك )

جمانه وهي ماتتحمل شقا زهورة وعرفت قصدها شمرت عليها المخده وبقن يشاقن بينهن وصوت ضحك زهورة كفيل حت تصعد انتصار من الفضول

انتصار فاتت للغرفه وهي تريد تعرف شكو وبداخلها صوت الضحك خوفها والافكار تاخذ وتجيب عدها . انتصار : ها ولجن شبيجن اشو الضحك وصل للطباخ ها ضحكني وياجن .

زهورة وهي تغير الموضوع : لاماكو شي جمانه ضايجه على الدرجات وانه اكللها عليمن تضوجين يله خيه خلي نجهز الغدا ودارت على جمانه تغمز الها وكملت كلامها وانتي كومي غسلي ونزلي ساعدينه يله .

جمانه ورة مده سبحت ونزلت واول ماشافتها عمتها ام زید تلكتها : هلا يمه الله يساعدج .

جمانه تحب ام زید وتشوف  عدها حنيه تكفي بلد كامل جمانه : شلونج عمه هلا بيج..

ام زيد وهي تذكرت ابنها وشنو وصاها صاحت لجمانه بالغرفه واول مافاتت للغرفه قالت  : يمه اريد منج طلب وماترديني وانت تعرفين انتي امانه امج والمرحوم ونخاف عليج...

جمانه وهي مستغربه من كلام عمتها واول مرة تكول الها هيج كلام  حسستها هم شکد حريصين عليها .

جمانه : ها عمه تفضلي ؟؟

ام زيد بصوتها الهادء : يمه جمونه انتي شايفه منطقتنه !البنات لايطلعن ولايطبن وعدهم البنيه مثل الكنز يحافظون عليهن  من الناس والناس يعرفونه ويعرفون ابوج حسان الله يرحمه