انتقام العيون

البارت ١٧

زيد استغرب هذا الولد طفل بعده ؟؟

زيد : منو انت ؟ ابن منو ؟ ومنو دازك ؟

الحارس ضربه بقوه  وهو يصيح عليه : احجي لما الشيخ يسالك .

زيد وهو ياشر للحارس وبحده قال: لاتضربه .. والتفت للولد وهو يكمل كلامه :  منو انت ومنو دزك كول لاتخاف!!؟؟

الولد وهو يبجي : عمو انه مو حرامي..

زيد : شلون مو حرامي وهم لزموك طافر علينه؟؟

الولد : شیخ احجي بس تتركني ...

زيد : تمام..... وأشر للحارس يترك الولد...

الولد : شيخ انه شفت حمامتي نزلت عليكم ومن شفت محد موجود کلت انزل واخذها بس من نزلت السياج عالي ماكدرت اصعد...

زيد : ادري يعني حمامتك من تنزل على بيت الناس معناها تطفر عليهم ؟شنو ماتعرف تدك الباب ؟؟

الولد : والله شيخ والله

.وهو يتوسل بزيد ..

زيد بحده : هسه من يجون الشرطه ياخذونك عود كللهم علمود الحمامه.

الولد وهو بدا يبكي قال  : شيخ والله هم كالولي اطفر والله وكالو لو رفضت يكتلوني...

زيد هنا تاكد الشغله اكبر قال : كول منو هم  يله کول ( بصياح )

الولد : والله مااعرفهم اثنين شباب كالو البيت فارغ وبيه بس بنيه فوت بس افتح الباب النه ...

زيد وهو الغيره صعدت عنده منو هذا الي مراقب البيت ويعرف باقي بيه بس بنيه ؟؟؟

زيد يخابر : الو ..السلام علیکم مرتضى ..اكلك اريد تجي  فورا ..اي هاي عصابه كانت تريد تطفر على البيت .لزمنه ولد منهم ..طافر حت يفتح الهم الباب .. تمام انتظرك

زيد رجع اتصل  مرة ثانيه وخابر شیخ جاسم وبلغه  بكلشي صار .

جمانه وزهورة باقيات  بالمطبخ ينتظرن الاخبار بخوف  ...

زید دخل وكال : لزمناه .
زهورة وهي تمسك بيد جمانه : يعني صدك حرامي ؟

جمانه كانت خايفه تباوع بعيون زید . اما زيد فتقرب وحضنهن اثنينهن وهو يقول : لاتخافن الحمد لله اتصلتن .. والشرطه جايه...

وبداخله يكول الف الحمد لله والشكر يارب ماصار الهن شي ...

شيخ حسن وشهاب استغربوا من شافوا  الشرطه حضرت  والحرس وزيد واكفين ..

الشيخ حسن و شهاب : السلام علیکم..

الكل وعلیکم السلام

الشيخ حسن : سلامات بويه  شنو شصاير؟

زيد : لزمنه حرامي عمي ويكول وياه عصابه مراقبین البيت .

شهاب : خوما انباك شي خوما احد من الاهل بي شي؟؟؟