انتقام العيون

البارت ٢٢

زینب استغربت لان  بسرعه اجو لكن قلبها على بتها يغلي ...

زينب بتكبر : هلا شيخ زيد ماشاء الله ابني عرفت تصون الامانه ...

زيد وهو عرف ام طالب اکید راح تسمعه كلام : عمه الي يغلط يعتذر وانه وامي اجينه من البصره حتى نعتذر لجمانه اولا والج ثانيا واوعدج هالشي مايتكرر .

زينب : ماکو داعي تعتذر داده ...زيد  بتنا عدنا والحمد لله واني بلغت الشيخ نجيب السيد ونلغي هاي الخطبه .

طالب وهو يعتبر زيد صديق عمره واخوه ماراد يخسره

طالب : شیخ انت ابن عمي واخوي وعلاقتنا تبقى مثل ماهي والزواج قسمه ونصيب .

زید وهو فهم تلميحات طالب : الله بالخير...

طالب وام طالب : الله بالنور ...

زيد : انه جمانه مرتي وما اتركها وان كنت غلطت بحقها جاي لعدها ومو بس انه حتى الشيخه امي اجت حتى تعتذر ...ثم ياعمه مو احنه الي مانصون امانتنا ...وهسه من رخصتج عمه صيحی جمانه لان اريد اعتذر الها ...

زينب بعصبيه : شوف زيد اسم جمانه تنساه خلاص البنيه طلبت نلغي الخطبه فلوسك وذهبك عندك وبتنا عدنا ومازال اجیتوا هسه ادز على السيد حتى يفسخها ..

زيد قاطعها : عمه من رخصتج صيحيلها مهما يكون هي صاحبت الشأن   ( بمعنى صاحبت الراي ) .

زينب : لا  عيني   زيد اني وعدت جمانه بعد ما اخليك تشوف ظفرها شایف ظفرها بعد يحرم عليك ...

ام زيد : شنو هالكلام زينب رجال ومرته ويردون يتصالحون واحنه اجينه نعتذر اقلها احترمي جيتنا لبيتج  وخليج محضر رحمن ...

طالب وهو شاف الوضع متوتر : عمه جيتكم على عينيه وعلى راسنا  بس ميخالف اشوف راي جمانه اذا  تقبل  تجي . وان ماقبلت فاعتذر منكم ...

. زيد : طالب خليني احاجيها مره وحده..

ام زيد : اقلها خلونه نسلم عليها ونعتذر منها !!!

زينب بعصبيه  : العذر منج داده بنتي هي الي اجت ودمعتها على خدها ..شو کلتوا متعارکین ویا شیخ حسن و نهى عليها زيد وهو ابن عمها كلت ميخالف کلتوا خطبه شکلیه کدام الناس وكلت ميخالف بس ترجع ودموعها تصب بسببكم وتهاماتكم  هاي الي ممقبوله منكم...

  ام زيد : ام طالب  البنيه بنيتنه واحنه نراضيها...

زيد وهو بده يعصب : من رخصتج عمه بس  صيحيها !!!

زينب : والبنيه بعظمت لسانها كالت ماما  فسخي الخطوبه لان اني تعبت ...

زيد وهو يشوف ام طالب كلشي تسويه حتى تخرب الخطبه ويعرف حقها بس لازم يتصرف..

زيد : طالب وانت كلتها الخطوبه بين اثنين وهسه انه جاي اشوف عمه هي الي تحجي  عنها  و جمانه اصلا ماموجوده  انا ارید اترخص منكم واحجي ويا ها  ووعد لو كالت مااريدك هسه اطلع اجيب السيد  بس احاجیها اول ؟ !!! ..