انتقام العيون

البارت ١٦

شیخ جاسم  : اي من اول ما كعدنه بالديوان خابرني الحارس وكال احترك بستان شيخ حسن  بس ماردت احجي حت لايدخلونه بشي .

زيد وهو متفاجا بسكوت ابوه قال  : بويه لو حاجي كان لحكنه على الحريكه وطفيناها حرام محترك نص البستان !!

شیخ جاسم بدأ صلاته ومارد على زيد وتركه بحيرة ليش ابوه سكت ؟؟
جمانه وهي تجهز العشا ويا البنات وبداخلها تكول ليش زید رفض اروح للعزيمه !! معقوله علمود انسام ! معقوله بينهم شي ؟

زهورة : هاااا وین صافنه  ؟

جمانه بفهاوه : هاا ..لا ماكو شي .. داافكر اشوف طالب يمته يخلص حت اخليه يجي ياخذني من البصره..

زهورة وهي من سمعت اسم طالب طارت من الفرحه زهورة وبسرعه كالت : صدك يجي؟؟

جمانه وهي تشوف زهورة وفرحتها وتعرف حبها لاخوها مع ان طالب ماشايفها ..

جمانه بصوت ناصي : ها خير زهورة كلت يجي ياخذني ماكلت يجي ياخذج؟؟

زهورة وهي خجلانه : لا مو قصدي ... بس شنو ياخذج ومعقوله زيد يقبل ؟

جمانه وهي تذكرت موقف زيد الي فشلها قبل شوي كدامهم فصعد عدها الكبرياء وقالت : شنو ميقبل شو كولش عايش الدور ؟

زيد واكف وراها وقال : یا دور جمانه ..

جمانه  وهي تحاول تبرر  :    زيد من رخصتك دااحجي  ويا زهورة بيناتنا كلام بنات يعني ...مو يمك

جمانه كان قصدها توقفه عند حده وحتى  لايعيدها ويحاسبها ..

زید تقرب منها وهو يباوع بعيونها بحده قال : شسوي بنت عمي تبقين خطيبتي ولازم اعيش الدور .. موو ؟

جمانه  فهمت انه سامع كلامها وماعرفت شنو ترد ..

زهورة وهي تشوف التوتر الي صار رادت تغير الجو..

زهورة : زيد يله صبينه العشا روح اكعد تعشا خاف عدكم طلعه...

زيد وجمانه وعيونهم سولفت عناد بنت بغداد وكبرياء  ابن البصره الي كانت  عيونه مثل عيون الصكر وهو يخزرها بعدم رضا على كلامها ...

زهورة سحبت جمانه وياها وهي حست بالتوتر الي صار بينهم دون مايتكلمون بأي شي ..

*********

وفي بيت شيخ حسن ....

شهاب : بویه شلون احترك البستان وبمنو انت شاك؟؟

شیخ حسن وهو يفر بالسبحه : محد حركه ..

شهاب : بویه شلون محد وهو نص البستان محروك ؟

شیخ حسن : ادري بويه ادري ... (وهو صافن ويفكر )

شهاب : بویه معقوله بیت شیخ جاسم حرکوه ؟ بس همه ليش يحركونه ؟ لو...