انتقام العيون

البارت ٢٠

شیخ جاسم : والبت لو عليها قصور ماجان اجه شیخ حسن بذاته واعتذر .
زيد : بويه انه النهوه لغيتها والسيد دز عليه يجي يطلكنه .

شیخ جاسم بعصبيه : ان جانك تريد تعصيني تدز عليه يله ...

سكت الشيخ وتنهد وبعدها كمل كلامه : بويه لو لبنيه عليها غبره وحده جان انه كتلك اتركها بس البنيه تربيتنه  لا تخلي الشيطان يقره بعقلك اشیاء ماالها صحه...

رغم كل الي صار لكن زيد الكبرياء والغرور عمت عينه وكانت كلمة شهاب ((البنيه ماتريدك اتركها)) ترن باذنه .

جمانه وقبل لا تصعد لغرفتها صاحت عليها ام زيد الي كانت محترك قلبها لاجل ابنها : جمانه ... تعاي ..

ومن دخلت جمانه كالت الها ام زيد بعصبيه : الله يرحمه حسان كان يكرة مايكره بيت شيخ حسن الي جايه تحبين ابنهم هسه ...

جمانه كانت هالكلمات كفيله ان تهدم الصورة الي سنين بنتها لام زيد وبدل ما تدافع عن نفسها سكتت وتركتها وصعدت لغرفتها .

زهورة سمعت امها ودخلت للغرفه و قالت : يمه صدك جذب الي جاي تحجينه شلون هيج تكولين لجمانه هالكلام؟؟

ام زيد : روحي كليلها اذا تحب شهاب ليش خلت ابني يتعلق بيها ونوب اليوم خالتهم يتعاركون عليها لوما الله ستر ... وهذا شهاب يكول لاخوج اتركها ماتريدك هي هاي الي تريد توصله..

زهورة انصدمت من الكلام ومن موقف امها وطلعت وصعدت لجمانه ودخلت للغرفه وهي تكول بصدمه

زهورة : شنو هذا الي كالته امي جمانه ؟ صدك تحبين شهاب ؟؟

كانت زهورة اقرب شخص الها بالعائله جرحتها وهي تسمع منها نفس كلام ونفس الاتهام الي امها قالتها فسكتت وبقت دموعها تتكلم عنها وهي تلم غراضها بالجنط لان عرفت بعد ماكو داعي تبقى بالبصرة ..

زهورة وهي تريد تعرف الصدك : مالي غرض بامي جمانه انتي كولي !!؟؟

جمانه ماردت عليها ورفعت تلفونها واتصلت بامها : ماما ..اليوم اني راجعه ويا مازن تمام ...

زينب بضحك : وعلیکم السلام دسلمي الاول شلونج وشلون بيت عمج والشيخ زيد .

جمانه بتعب كملت كلامها وهي تسد عيونها والدموع تنزل بس ماتريد تبين لامها شي قالت : ماما مابيه حيل احجي هسه باي .

لمت غراضها بالجنط وراحت دکت باب غرفه انتصار

انتصار فتحت الباب وباستغراب قالت : هاا جمانه تفضلي ؟؟

جمانه : بلا زحمه بلكن تصيحين مازن...

مازن : ها خويه تفضلي؟؟

جمانه : خويه بلا زحمه اريدك ترجعني لبغداد اليوم..

مازن عرف بالمشكله الي صارت..