انتقام العيون

البارت ٢٤

طالب وجمانه وصلوا للبصره ومن دخل بالسياره بافرع البساتين طالب ماكان حافظ المكان بالضبط فوقف السياره يحاول يسال اي شخض عن بيت الشيخ جاسم !!!

اما جمانه وهي صح كانت تروح وترجع بس ماشايفه هالمكان و عرفت طالب مضيع الطريق وماحافظه صح..

طالب بضحك وهو يعرف نفسه مضيع : ادري جمون سنه كامله رايحه وراجعه شبيج ماتعرفين تحفظين المكان؟؟

جمانه بضحك : يعني ليش احفظه قابل اني الي راح اسوق بس شوف هياته الشارع يمكن شايفته قبل ...

طالب : انوبه تكولي يمكن شايفته!!

جمانه بضحك : شتكول نخابر زيد يجي ياخذنه ؟؟

طالب ضحك وقال : ولو سالنه وين انتوا شنو نكوله يم الشجره الكبيره موو؟

جمانه : اي غير انته دخلتنه بالافرع انه اول مره اشوف هالطريق ( وهي تتلفت )

طالب : أشو بساتينهم فارغه هسه لو اشوف احد نساله ..

جمانه وهي تأشر على شخص كان واقف : شوف هياته رجال واكف بذاك الشارع خلي نروحله نساله ها شتكول ؟؟

طالب حرك السياره ووصل للرجال الي كان احد حراس بيت شیخ حسن ...

طالب : السلام عليكم اخوي..

الحارس باستغراب : تفضل ... الحارس وهو راقبهم وظن بيهم ظن سوء ...

طالب بحده : وین بستان بیت شیخ جاسم ؟؟

الحارس وهو مستغرب منهم وخصوصا من جمانه : ليش شكوا انتوا وبيت الشيخ ؟؟

طالب شاف نظراته واسلوبه بعد ماتحمل قال وبصياح : اكلك اني سالتك باحترام تعرف كول وين ... ماتعرف كول مااعرف ...

الحارس فهم من لهجه طالب ومن ملابس جمانه عرفهم مو من المنطقه لان بلا عبايه ومكياج فراد يطردهم . وباعتقاده ينطيهم درس حتى مايجون مرة ثانيه للمكان لذا قال : اي بله وهاي الحلوه هم تريد بيت الشيخ ويااك ؟؟

طالب بعد ماتحمل نزل من السياره و بدون مقدمات ضربه بوكس وكعه على التراب والحارس رجع وقف وهجم عليه ضربه وبدا بينهم شجار ...

جمانه تفاجات وضلت تصرخ : طالب فدوه اترکه .
وبعدها نزلت من السياره وهي تصيح : كافي طالب فدوه
والحارس استمر بالغلط عليهم ...
طالب بصياح وهو يضرب الحارس :فوتي للسياره

جمانه دخلت للسياره وطلعت التلفون من الجنطه بايديها الي ترجف واتصلت على زيد ...

زيد : الووو

جمانه وبدون مقدمات وهي تبجي وبخوف قالت : زيد الحكنه ...

زيد وقف : ها جمانه خیر شصاير ؟؟

جمانه وهي تبجي كملت كلامها : طالب ديتعارك ويا رجال ....ومااعرف شنو اسوي ..

زيد : وين انتوا ؟