انتقام العيون

البارت ١٥

بعد اسبوع .....

جمانه مبدله وطالعه للجامعه وهي شايله السدريه لان عدها مختبر لحامه . وكفت  تنتظر ابو رضوان الي تاخر عليها

.زيد طلع من باب المطبخ وهو يشوف جمانه واكفه وعينها بالساعه عرف هي متاخره مشی زید باتجاه السياره ...

جمانه كانت تتحاشا زيد من الخطبه فقالت بارتباك : صباح الخير شيخ ...

زيد يعرفها من تكول شيخ معناها محتاج شي ومبين متاخره : صباح النور ..

جمانه : ممكن توصلني ..

زيد : تفضلي ..

جمانه صعدت  بالسياره وانطلقوا وبالطريق..

جمانه كانت محضره كثير كلام فقالت  : زید انه اسفه مو قصدي اكذب عليك بس خفت ..

زيد : وبنظرج کلمه اسفه تكفي؟؟

جمانه : ليش مو كتلي تركي نور والله حتى زحمه اخوها مات والبنيه كولش تعبانه واجيت انه زودتها وتركتها .

زيد : وهسه المطلوب ؟؟

جمانه : زید فدوه اريد ارجع احاجي نور خطيه البنيه مالها ذنب وشهاب ..

زيد قاطعها بحده : لاتجيبين اسمه زين لو لا...

جمانه : زین... زين تمام ... بس نور خطیه فدوه زيد والله اني  مااعرفه هو اتصل علمود التلفون واذا تريد اخلي نور تحاجيك خاف ما  دتصدكني ..!!

زيد :  اذا تردين تحاجينها حاجيها بس ديري بالج تحاجين شهاب  مفهوم ..

جمانه بفرح  : تمام ..والله لاالي غرض بيه ولا اعرفه ..

كملوا طريقهم للجامعه وجمانه طايره من الفرحه تريد توصل لنور .

جمانه بس وصلت ونزلت ودعت زيد وتوجهت للمختبر .. والصدمه ان شهاب كان واكف بالمختبر ..

شهاب تقرب عليها وهي من الارتباك  كانت تتحاشاه...

شهاب : السلام علیکم ..

البنات حولها ردو السلام بينما جمانه بقت ساكته ..

شهاب : جمانه من رخصتج ممکن دقیقه !!

انحرجت جمانه وهي تشوف شهاب كدام البنات يريد يحاجيها وبداخلها ماتعرف شنو تكول لو شنو تسوي .

شهاب : جمانه؟؟ ..من فضلج دقیقه بس؟؟

جمانه بحده : نعم تفضل...

شهاب : انه اعتذر عن الي صار انتي بت عمي ومو  قصدي تشوفيني بهيج منظر والله لو اعرف بيج بيومها موجوده ماکان هاجمنه السياره اصلا .

جمانه كان كل تفكيرها  تريد توخر وخايفه لااحد يشوفهم .

جمانه : تمام ..تمام ماصار شي من رخصتك ...

تركته ومشت بسرعه بينما شهاب بقت عيونه تتبعها  جمانه خوفها من زيد كان اكبر من كل كلام شهاب الي ما دارت اله اي اهتمام  وقررت تبقى بعيده عن نور خوفا من شهاب ..