انتقام العيون

البارت ٣٨

في اليوم الثاني كعدوا على صوت الهلاهل والناس كانت  تزورهم وتبارك لزيد وجمانه ...

مازن : خويه طالب المركز لزموا خليل ويريدونك تجي حتى تاكد هو الي هاجمك ...
طالب : اي تعال ساعدني خلي ابدل ...
مازن دقيقه خلي زهورة تجيب الريوك
طالب : لا مااريد ...

مازن : طالب شكلك تعبان تريد نبقى  ؟

طالب : لا مازن امس مانمت يله  نروح للمركز ...

طالب كان يتمنى يشوف خليل  الشك كان يكبر  بداخله ..ومن وصلوا للمركز

الضابط المسؤل : طالب حسان شوفلنه هذا الولد هو الي ضربك  لو لا ؟

خليل كان واكف والشرطي لازمه ...

طالب تقرب منه وهو يقول : لا...لا مو هو ...

مازن وشهاب بتفاجا : طالب هذا ...خليل

طالب : لا مو هو ...مو هو الي ضربني

الشرطي كتب اخلاء لخليل ...

طالب تقرب من خليل وهو يقول انتظرك برا ...

خليل  اول ماطلع من المركز شهاب ومازن لزموه ..

مازن  : تعال شنو عبالك فلتت ؟!!

شهاب : امشي كدامي ..يله

خليل : ليش ...ليش شكو انوب ؟؟

طالب : تركوه اريد احجي وياه ..

شهاب : طالب  شنو انتركه ؟

طالب بعصبيه :شهاب  انت لاتدخل فهمت ...

مازن : طالب شبيك ؟

طالب : كله يروح منا مايتدخل ؟؟ وهو ياشر على شهاب ..

شهاب بعصبيه  : شنو تكلي ما ادخل ؟

مازن بهمس : شهاب اكسر الشر وروح هسه خلي افهم ليش ما بلغ عليه ؟!

شهاب بحده : تمام رايح بعدين نشوف   شنو مشكلته هذا  انوب !!

طالب لزم خليل من قميصه  وهو يقول بهمس : شنو  بين شهاب وبنت عمي احجي ؟!!

خليل بخبث نظر اله وقال بصوت ناصي  : مااحجي انه ادزلك صور وشوف بعينك ....

طالب بصدمه : شنوو؟؟يا صور ؟

خليل : ادزلك الصور بس بشرط تتركني ...

طالب : الاول اشوف الصور   ...

خليل طلع التلفون وبيه صوره شهاب وزهوره بالسياره وصورتهم  يدخلون بيت ...

كانت الصور صدمه لطالب  ...خليل تركه ومشى وهو بين المصدك وبين المكذب عيونه ...

مازن بتفاجا  : ليش تركته طالب ؟؟

طالب لا  رد ...و مشى وهو مامصدك الي شافه معقوله زهورة وشهاب سوى !!