انتقام العيون

البارت ٥

... جمانه تعرفت على نور بنيه بيضه تشبها تقريبا بس نور كانت  شوي دبدوبه ...
وطبعا  جمانه سالتها عن اسمها ( نور حسن )ماكانت تعرف انها  قرايبهم ومفروض بينهم قصص وطلايب ونفس الشي نور سالت عن جمانه فهي بنيه من بغداد جمانه حسان مستحیل تكون قرايب لامن بعيد ولامن قريب خصوصا كل عمامها بصره ( طبعا الاسامي مستعاره  )...

جمانه : تصدكين نور اني امس اجيت للبصرة كول الاجراءات كملها ابن عمي ..

نور : لا انه اجيت ويااخوي شهاب خطيه هو متكفل بيه ( شهاب کلیه هندسه مرحله رابعه ) ..

جمانه : لاوين اخوي الكبير بتركيا طلع ديدرس  هماتين مثلي ..

نور تلفونها يرن   : يااا جمانه اجه اخوي حتى نطلع سوا ..

جمانه تذکرت رقم ابو رضوان فقالت : ها اي اني  هماتین هسه ارمش على السايق..

نور کلش حبت جمانه من كلامها و لهجتها وجمانه نفس الشي..
توقفت  سیاره شهاب وظل يدك هورن السياره لنور حتى  تجي وهي بقت تتلفت يله فهمت عود تعاي جمانه ابتسمت من موقفها لان  شكلها مامتعلمه على سايق ...

بلحظه كان شهاب ملتفت لجمانه بنیه شكلها جديد بالكليه مرتبه وحلوه تشبه اخته ! فاول مادخلت نور للسياره اشرت لجمانه باي وجمانه اشرت باي

شهاب بابتسامه : ها نونه شمسرع ماصاحبتي بنيه منين هاي حجزيها الي ..

بضحك نور بضحك وتعرف اخوها شلون يمزح : ها شهاب اكول لامي تريد تتزوج حت كبل تجيب لك بنات عمه بتول من الناصريه

شهاب بضحك : لادخيلج خليني اشوف واتحسر ولااخذ بنات عمه بتول يشبهن ابوهن  ....

*********

بمكان ثاني ...
زید : خویه اريد تسال بیش البيت وشكد مايطلبون کول ... تمام و انطي عليه عربون ...

دلال المنازل ابو قاسم : تمام شيخ  وهسه هم  اخابرهم كدامك .. .. الوو شلونك خويه ابو شهاب .... ها اي بخصوص بيت الحجي .... هاا ... اي ... زين مابيها مجال الي ... تمام خويه تشوف بيه الخير .وسد التلفون .

زيد : ها خویه بشر ؟؟؟

ابو قاسم : شكلك خويه ابو شهاب راح يشتريه واخوته كلهم وافقو .

زيد : تمام خويه ماصار شي مشكور وماقصرت ...

رجع زيد وهو يفكر شلون لو عرف ابوه منو اشتری البيت وهو سامع بمشاكل الي بينهم وبين اولاد عمهم القديمه  ..

في ديوان الشيخ جاسم زيد : بويه الخير ما اختاره الله بعد ليش انقهرت ؟ !

شیخ جاسم : بويه هذا ابن عمي وانه اعرفه زين ماناوي على خير من يوم يومهم حاقدين .

زيد : بویه أن جان على البيت فكلمن ابيته واحنه نعتبرهم ماموجودين ، واذا على الكيعان نسيجهم ونخلص من طلايبهم ..