စိတ်ကြိုက်ငိုပြီးသွားဟန်ကလေးမကသူ့ဆီကအသာရုန်းထွက်တော့အလိုက်သင့်လွှတ်ပေးလိုက်သည်။
သူဝတ်ထားတဲ့ရှပ်အဖြူရောင်ရဲ့ရင်ဘတ်နားမှာတော့မျက်ရည်တွေကြောင့်စိုကာ အသား၌ကပ်၍ပင်နေလေသည်။
မျက်နှာလေးကနီနေကာခေါင်းကိုငုံ့ရှိုးထားပြီးနေရခက်နေဟန်။
"အဆင်ပြေသွားပြီလား"
"နည်းနည်း"
"နည်းနည်းတဲ့လားကွာ၊ ထပ်ငိုဦးမှာလား၊ မျက်ရည် ကောကျန်သေးရဲ့လား"
"မစပါနဲ့ ဟင့်"
"ဟိတ် ဟိတ် မငိုနဲ့တော့"
ထပ်ငိုချင်သလိုဖြစ်နေသည်မို့ မဂ္ဂအထိတ်တလန့်ပင်တားရသည်။ အခုတောင်မျက်လုံးတွေကနီရဲမို့အစ်နေတာ ထပ်ငိုလျှင်တော့မနက်ဖြန်ဖွင့်လို့ရမည်တောင်မထင်တော့။
"အခုတော့စိတ်ထဲပေါ့ပြီးအဆင်ပြေသွားပေမဲ့ မနက်ဖြန်အတွက်ရင်လေးမိတယ်"
ခပ်ဟဟရင်ဖွင့်သံ။ အင်း..မဂ္ဂသဘောဖြင့်ရင်ဖွင့်သည်ဆိုသည့်ခေါင်းစဉ်ကိုတပ်လိုက်ခြင်းဖြစ်သည်။
"ဘာလို့ မနက်ဖြန်ဆိုတာတွေထိတွေး တွေးပြီးပူနေတာလဲကွာ၊ မင်းကမနက်ဖြန်ထိအသက်မရှင်ဘဲ ဒိီနေ့ညသေသွားရင်ဘယ်လိုလုပ်မလဲ"
လရိပ်ပျိုကကြောင်အကာငေးကြည့်နေရင်းမှအသက်မပါသလိုပြုံးသည်။
"အင်း အဲ့လိုဖြစ်သွားရင်အကောင်းသား"
"ဟာ ဟိတ် ကိုယ်ကအဲ့သဘောနဲ့ပြောတာမဟုတ်ဘူး"
"ဟီး ညီမသိပါတယ်"
ကြည်ကြည်လင်လင်ပြုံးကာဖြေလာသည့်ကလေးမကြောင့်ဒီတစ်ခါ ကြောင်အသွားရသူကမဂ္ဂဖြစ်သည်။
"အဲ့လောက်လေးနဲ့ခံစားလွယ်ပြီးပျော့ညံ့နေရင် ဒီအရွယ်ထိရောက်လာမှာတောင်မဟုတ်ဘူး"
"..."
"အကိုထင်ထားတာထက် ညီမကပိုသန်မာတယ်ရှင့်"
"ဟင် အင်း"
"ဒီနေ့အတွက်ကျေးဇူးပါ၊ ဒီလိုတွေးကြည့်မှအကို့အပေါ်ကိုကျေးဇူးတွေတအားများနေပြီကော"
"သေချာပေါက်ပြန်ဆပ်ရမှာ"
"ဟုတ်ကဲ့"
"အဟက်"
YOU ARE READING
မောင့် (Completed)
Romanceကိုယ်က မင်းလက်ကလေး ကိုင်ခွင့်ရတဲ့အခါ ကမ္ဘာတစ်ခြမ်းကို ကိုယ်ကပိုင်ပြီး မင်းက ကိုယ့်လက်ကို မဖြုတ်ချရင်တော့ ကမ္ဘာကြီးတစ်ခုလုံးကို မင်းကပိုင်လိမ့်မယ်။ •မောင်ဆောင်းခ
