"ထက်ထက် ညနေကျောင်းဆင်းရင်အားလားဟင်"
အတန်းထဲအတူထိုင်နေကြရင်းတီချယ်မရောက်ခင်အချိန်လေးမှာလရိပ်ဘက်မှမေးမိသည်။ ထက်ထက်ကိုလည်းအားနာကာကိုယ့်ကိုယ်ကိုယ်လည်းလိပ်ပြာမလုံဖြစ်ရတာမို့ လရိပ်အကြောင်းကိုထက်ထက်အားဖွင့်ပြောလိုက်ဖို့ဆုံးဖြတ်လိုက်တော့တာဖြစ်သည်။
လရိပ်နဲ့သူငယ်ချင်းဆက်ဖြစ်မှာလား၊ မဖြစ်ဘူးလားဆိုတာလည်းထက်ထက်ရဲ့ဆုံးဖြတ်ချက်ပေါ်မူတည်ပြီး လရိပ်အကြောင်းအား အားလုံးကိုပြောလိုက်မှာလားဆိုတာကလည်းထက်ထက်ရဲ့ဆုံးဖြတ်ချက်ပေါ်ပဲမူတည်လိမ့်မည်။
"အားတယ်လေ ဘာလို့"
"ပြောစရာရှိလို့"
"ဟင် ဘာလဲ"
"ညနေမှပြောမယ်လေ"
"ဟာ အခုပြောပါဆို"
"ညနေမှပြောမယ်လေ နော် ထက်ထက်ကလည်း"
"ဟူး ညနေမြန်မြန်ရောက်"
ထက်ထက်ရဲ့ဉာဉ်ကပြောစရာရှိတယ်ဟုပြောလိုက်လျှင်ချက်ချင်းသိချင်တာဖြစ်သည်။ မသိရသေးလျှင်တော့တချိန်လုံးထိုအရာကိုပဲစိတ်စွဲနေတော့တာမျိုး။
"လရိပ်"
"ရှင်"
ကိုရှိန်းကအတန်းရှေ့ထိရောက်လာတာမို့အခန်းအပြင်သို့လရိပ်ခပ်သွက်သွက်ထွက်လိုက်သည်။
"ကိုယ်နဲ့စကားပြောရအောင် ခဏလောက်အချိန်ရလား"
"ဟို အတန်းရှိသေးတယ်ရယ်"
"ခဏပဲ၊ ရလား"
လရိပ် လက်ကနာရီကိုငုံ့ကြည့်မိတော့၈နာရီ၂၀မိနစ်။
"ဟုတ် အတန်းကကိုးနာရီစမှာဆိုတော့ခဏဆိုရပါတယ်"
ကိုရှိန်းကခေါင်းအသာညိတ်ကာအရှေ့ကထွက်သွားသည်မို့ထက်ထက်ကိုအကျိုးအကြောင်းပြောပြီးလိုက်သွားရသည်။
ကိုရှိန်းသွားနေတာကmedical majorခေါင်မိုးထပ်သို့ဖြစ်သည်။
ရောက်တာအတော်အတန်ကြာနေပြီဖြစ်ပေမဲ့ကိုရှိန်းကဘာမှမပြော။ လရိပ်ကိုသာစိုက်ကြည့်နေတာမို့နေရခက်လာသည်။
"ကိုရှိန်း ဘာဖြစ်လို့လဲဟင်"
"ဟူး.."
"လရိပ်ကစကော်လာကျောင်းသူဆိုတဲ့အကြောင်း ကိုယ်သူရိန်တို့ကိုမတော်တဆပြောမိသွားတယ်၊ မတော်တဆလို့လည်းမဟုတ်ပါဘူး ကိုယ်ကလရိပ်ကိုကူညီချင်လို့"
ESTÁS LEYENDO
မောင့် (Completed)
Romanceကိုယ်က မင်းလက်ကလေး ကိုင်ခွင့်ရတဲ့အခါ ကမ္ဘာတစ်ခြမ်းကို ကိုယ်ကပိုင်ပြီး မင်းက ကိုယ့်လက်ကို မဖြုတ်ချရင်တော့ ကမ္ဘာကြီးတစ်ခုလုံးကို မင်းကပိုင်လိမ့်မယ်။ •မောင်ဆောင်းခ
