"ထက်ထက်နဲ့လရိပ်ကဘာမှစာရင်းမပေးထားပါဘူးလား"
EC၏အမေးကိုပြုံးပြပြီးမှခေါင်းလေးခါရုံသာခါလိုက်ကြသည်။
"မီတာ၁၀၀ဖြစ်ဖြစ်ပြိုင်ကြလေ"
"တော်ပါပြီ.."
ကျောင်းအားကစားပွဲမို့အားလုံးကတက်ကြွနေကြသည်။ မေဂျာအလိုက်uniformဆင်တူဝတ်ထားကြပြီးကျောင်းရှေ့အားကစားကွင်းပြင်ကျယ်ကြီးပေါ်မှာဥဒဟိုသွားလာလှုပ်ရှားနေကြသည်။
တာတို၊ တာရှည်၊ လက်ဆင့်ကမ်းအပြေးပြိုင်ပွဲတွေ၊ basketball, volleyballစသည့်အားကစားပွဲတွေပြီးနောက်အားလုံးရဲ့စိတ်ဝင်စားမှုတွေကမေဂျာဘောလုံးပွဲဆီရောက်သွားရတော့သည်။
ဗိုလ်လုပွဲကိုလရိပ်တို့medicalနဲ့physicsကရောက်သွားတာမို့ကွင်းလုံးအပြည့်အားပေးသံတွေနဲ့မြိုင်ဆိုင်နေသည်။
"ဖိဆစ်တဲ့တစ်ဆစ်ပဲရှိတယ်"
"ရှိတဲ့တစ်ဆစ်ကိုခွဲခန်းသုံးတဲ့ဓားနဲ့ဖြတ်ထုတ်လိုက်ရ"
Physicsဘက်ခြမ်းကညော်သံပေးသည်ကိုလရိပ်တို့medical major final yearကthe whole queenစီနီယာမမကပြန်အော်သည်မို့တစ်ကွင်းလုံးဝါးကနဲပွဲကျသွားရသည်။
ကွင်းလယ်ကအားကစားသမားတွေကသွေးပူလေ့ကျင့်ခန်းလုပ်နေတုန်းဆိုပေမဲ့ပရိတ်သတ်တွေကြားကတိုက်ပွဲကတော့ပြင်းထန်နေပြီဖြစ်သည်။ တခြားမေဂျာကသူတွေကတော့ဗိုလ်လုပွဲအတွက်ရန်ကြိုဖြစ်နေကြသည့်မေဂျာနှစ်ခုကိုကြည့်ရင်းရယ်ရသည်မှာအူပါနာနေကြပြီဖြစ်သည်။
"ရင်မှာခိုနား အကြင်နာပိုသွား မယ်ဒီကယ်ကမောင်လေးတွေအာဘွား"
ကွင်းလယ်ဒိုင်ကဝီစီမှုတ်ကာပွဲစလိုက်တယ်ဆိုရင်ပဲဟိန်းကနဲထွက်လာသည့်Queenမမအသံကြောင့်မယ်ဒီကယ်က ကစားသမားတွေမျက်နှာကသကာရည်လောင်းသလိုချိုသွားကာကွင်းပတ်ပြေးကြတော့သည်။
"လရိပ်နဲ့ထက်ထက် အကို့ကိုကစားသမားတွေရေကမ်းဖို့ကူပေးပါဦး၊ volleyballမှာထိသွားတဲ့ကောင်လေးကမသက်သာဘူးဆိုလို့သွားကြည့်မလို့"
မေဂျာခေါင်းဆောင်ရဲ့စကားကြောင့်လရိပ်တို့ပွဲကြည့်စင်ကနေကွင်းထဲဆင်းခဲ့လိုက်တော့သည်။ လရိပ်တို့ကကဘယ်ပွဲမှာမှမပါထားတာမို့ဒီလိုအကူအညီလောက်ကပေးကိုပေးရမည်ဖြစ်သည်။
YOU ARE READING
မောင့် (Completed)
Romanceကိုယ်က မင်းလက်ကလေး ကိုင်ခွင့်ရတဲ့အခါ ကမ္ဘာတစ်ခြမ်းကို ကိုယ်ကပိုင်ပြီး မင်းက ကိုယ့်လက်ကို မဖြုတ်ချရင်တော့ ကမ္ဘာကြီးတစ်ခုလုံးကို မင်းကပိုင်လိမ့်မယ်။ •မောင်ဆောင်းခ
