الجريمة والعقاب
_____!!!!!_____!!!!!______
_(خرج من غرفته بعد ان بدل ملابسه ليجدها في فوضي عارمة)متين ح اشوفك بنت زي البنات؟انا اتزوجت وفاكر نفسي ح اجيب اطفال بس لقيت طفلة جاهزة ي ربي يصبرني.
_(وقفت امامه بعتاب والمثلجات قد زينت كل تفصيل في وجهها) يعني غلطان وجايي تلومني (وضعت الملعقة في فمها ويديها علي وسطها)فكرك لما الون وجهي واكذب عليك اني بعرف أعمل وبعرف اسوي واتبوبر واقضيها حوامة انا مرة ولا لما اصرف قروش مثلا (اخرجت الملعقة من فمها)علفكرة أنا مختلفة وفريدة من نوعي ولو فضلت تدور كل عمرك علي وحدة زيي مستحيل تلاقي أنا مثالية ببساطة.
_(راقب انفعالها في هدوء ثم قال بعد ان مسح المثلجات من علي نفها) مثالية جدا أكيد ما خليتي لي حاجة اكلتي وحليتي بأيسكريمي صح..!
_(اوقفت ملعقة المثلجات المتجهة ناحية فمها ثم رفعت كأس المثلجات الاخير ووضعته في يده)راجل بريال (ارادت أن تتلذذ بالملعقة الأخيرة من المثلجات خاصتها ولكن كبريائها منعها وبحركة لا ارادية اطعمتها له واتجهت ناحية غرفتها في غضب)
_علفكرة الموضوع ما يستاهل كل د (اخرج الملعقة من فمه)يا عيوطة حتندمي.
_(قالت قبل ان تغلق الباب بقوة)عارف؟تفووو عليك.
_انا اتزوجت جون سينا عضلاته فلسانه...!
_-_-_-
وأخيرا وصل الي وجهته؛بيت ارضي بحديقة مخضرة وسور خشبي مطلي باللون البني وطراز كلاسيكي ممزوج ببعض الديكورات العصرية:
_(وقف امام الباب الحديدي واخذ يرن الجرس لم يفتح له احد في البداية ولكن مع مرور الوقت سمع وقع اقدام بقرب الباب فتح له رجل ملتح كسا الشيب لحيته كما فعل برأسه يرتدي جلباب لا يفارقه التسبيح علاه الوقار وتلحفته العزة قال بصوت مريح:
_السلام عليكم.
_وعليكم السلام،شيخ احمد!
_نعم اتفضل.
_انا جاييك في محنة وارجو أنك تكون الحل لمحنتي.
_ربنا يقدرني احلها.
_انا عايزك تجي معاي الخرطوم حالا.
_حنتكلم علي الباب؟
_الموضوع ما ينفع نقعد.
_طيب كيف عايز احل ليك مشكلة إذا ما حكيتها لي.
_انت ممكن تجي معاي وانا احكي ليك فالطريق؟
_الله الوكيل في الوقت د أكيد المشكلة كبيرة،يلا.
...
_-_-_-_-_
_الو؟يا شيخنا الليلة لازم تقتلها.
_والله أنا ح اعمل العلي لكن كان لا قدر الله الناس ديل عرفو انها مسحورة والجنود ديل ما قدروا يأذوها الموضوع حيقلب عليك.
_(لم يرف لها رمش حتي وقالت في فجور) ما بهمني المهم تموت.
_طيب لكن عايز اشوف خيرك.
_انت أعمل العليك وانا بعزك
_حتشوفيها ميتة قريبا.
_-_-_-_-
زادت حالتها سوءا كلما مرت عليها دقيقة.
اصابها الضرر فقط لأنها احبت واوفت،وعدت ونفذت ،قالت وفعلت فقط لأنها نقية،طيبة لم تفكر في أن احد يمكن أن يؤذيها فقط لأنها لم تدرك فظاعة البشر وقساوة المعدن البشري تعرضت للأذي ليس من البشر فقط وانما حتي من مخلوقات العالم الآخر لماذا الحقد والحسد وعلي ماذا؟اليس لكل منا نصيب؟لمااذا؟ويبقي السؤال مزينا بالاستفهام.
