الوجه الاخر.!
____________________
بعد ان اكتمل مظهرها بلف الحجاب نظرت في المرآة لتثني علي نفسها،خرجت والحماس يتدفق من عليها لم تكن تدري اهو ام العمل السبب في حماسها.
خرجت علي عجلة عندما نظرت الي ساعتها لتجد إنها قد تأخرت.
_____________
-------------------
خرج الطبيب من الغرفة وبدأ يحادثه:
_هي كويسة حالياً بس حصلت ليها مضاعفات بسبب عدم التزامها بالادوية والاكل والالم د بسبب الموضوع د فما تخاف شوية عناية وحتبقي كويسة بإذن الله...!
_شكرا يا دكتور طيب ممكن اشوفها؟
_ايوة بس هي حالياً تحت تأثير المخدر وحينقلوها غرفة عادية فمحتاجة راحة...
_قاطعه:ما ح اعمل صوت بس ح اتطمن عليها واطلع..!
_طيب بس خلي يطلعوها.
_ومتين الكلام د..!
_انت لي مستعجل اهدأ.
_(اخذ يجادل الطبيب الي ان بدأ رأسه بالدوار وبعد لحظات قليلة سقط مغشيا عليه)
_________________
-------------------------
_(احكم قبضته علي يدها بقوة)انا مش قلت ليك ما بحب اشوفك هنا؟ليه جيتي.!
_(قالت وهي تحاول تخفيف قبضة يده)يدك شيلها..وجعتني..!
_بوظتي حياتي وجاية تقولي لي وجعتني؟.
_(شرعت في البكاء) علفكرة أنا برضو اتأثرت انا برضو حياتي اتدمرت بس انت ما شايف القصة الا من منظورك،بتحاول ترمي اللوم علي وخلاص؟علفكرة أنا برضو ما عاجباني الذلة والقعدة معاك بس ح اعمل شنو..؟مجبورة..!مجبورة اني امثل اني كويسة وانك بتعاملني كويس عشان اصلا مافي زول فارق معاهو أنا حاسة بشنو..!
_بس بس.. دراما دراما دراما؛كل لما اتكلم معاكي حتبكي وتعيدي نفس الكلام؟. حفظتو انا بالمناسبة..
_سيبني فحالي لو سمحت..!
_انا لو ما امي جبرتني ما بعرسك لو كنتي اخر بنت فالدنيا،وطلاق وحتطلقي بس خلي ايامك تتم بس..
_ايام؟هو أنا صفقة بالنسبة ليكم ولا شنو حرام عليكم والله حرام..!
_حتلملمي عفشك وحاجاتك وتمشي تكملي حياتك مع عبد الرحيم وروان ولا كأن في حاجة ظابط معاك كدة؟.
_هي لعبة يعني؟يوم مع فلان وشهر مع علان؟مش ممكن تحترمني كمرأة وتديني حقي كزوجة علي الأقل في آني اقعد فبيتي؟
_عايني يا بت الناس أنا شايف تنفذي من سكات عشان ما نتشاكل.!
_ربنا يسامحكم..!(قالتها ثم خرجت تلتقط انفاسها)
_دراما فارغة..!(رن هاتفه في تلك اللحظة ليتحقق اسم المتصل_عبدالرحيم_)الوو..
_حضرتك من اهله؟.
_ايوة في حاجة؟
_هو في المستشفي حالياً _اسم المستشفي (...)_تعال بسرعة
_حاضر.!
____-_-_-____
____________
جلس علي مكتبه يحرك القلم بسرعة في حركة عشوائية دلالة اما علي غضب او توتر فماذا اذا امتزجا سمع طرقات الباب فدخلت بعد أن أذن لها:
_ازيك؟
_بخير الحمدلله..!
_متحمسة جداً أنا..!هاا؟ح اشتغل شنو؟ ما نسيتني صح؟.
_والله أنا اسف جداً يا نور بس لحد الآن مافي حاجة تذكر ومافي زول حيرضي يشغل متدربة..!
_كيف الكلام د علفكرة أنا احسن من مليون طبيب علاج طبيعي فالمستشفي دي..كيف يعني ما يرضوا؟
_عموما لسة الطلب مفتوح لو احد طلبك ح اتصل عليك.!
_طيب(خرجت محبطة بعد ان اعطته هاتفها)
