{ماذا لو ترك الحقد والحسد؟ماذا لو لم يعميه المال وترك أمره لله؟شئ مؤكد ما كان ليموت موتة شنيعة كهذه ولكن من الواضح أنه عقاب رباني..!ماذا لو استقام وترك تلك الفواحش والافعال السيئة؟ماذا لو ترك الطمع والجشع في ما لا يملك؟ ماذا لو امتلأت عيناه بما يملك اكيدا لما اختطفها ولما قتل هكذا ولكن هذه نهاية من يترك خيط الخير ويتبع حياكة الشر..!نهايته الموت بلا ادني شك ناهيك عن عقابه فالآخرة أمام الرحمن..!كتبت نهايته هكذا في هذه القصة ولكن سيعود ليحيا في قصص اخري في أشخاص آخرين لأن أمثاله كثيرون ولكن قليل من يتوب قبل ان تقبض روحه.!}
_________----___
_(جلست تتابعه من خلال المرأة وهو يمشط شعرها صمتت قليلا ثم قالت ) انت عارف انا بحب فكرة انو تسرح لي شعري دي.!
_انا بستمتع لما اعمل حاجة بتحبيها وبتبسطك..!
_ايهم انت أفضل حاجة حصلت لي..!
_زي ما انتي احلى حاجة فحياتي..!
_(احتضنته لتقول )ما عايزاك فيوم تنساني..!
_ليه بتتكلمي كدة..!
_ايهم مافي داعي نكذب على نفسنا انا سمعت عمر قال ليك شنو..!
_جوري.!
_ما تسكتني..!
_جوري انتي لو ما سكتتي ما حيحصل خير .!
_ايهم انت ليه كدة؟
_جوري اسكتي اششش(وضع جبينه علي جبينها واغمض عينيه )انا عايز افرح ممكن؟عايز أحبك اكتر من ما اخاف عليك ممكن؟ممكن تديني فرصة اكون البطل فحكايتنا؟ممكن؟لو سمحتي خليني اعمل كل حاجة نفسي فيها قبل فوات الاوان علي الأقل خلينا نتظاهر انو ما حصل حاجة اننا مثلا ما سمعنا كلام عمر ممكن؟.
_ممكن..!انا كمان نفسي كدة بس ما في يدي..!
_لا كل حاجة ف يدنا بس أحنا اللي بنضيع وقت..!
_خلاص بلاش نضيع وقت..!
___-------
_وعليكم السلام..!
_ممكن تطلع تستلم جثتها..!اااا نسيت انت ما بتقدر تمشي..!لا انت ما بتقدر تتحرك للاسف..!طيب ممكن تخلي اي زول يجي يلمها من الشارع،الحصل د عشان تحرم تتحداني..!
_(صرخ بصوت خافت متقطع متجاهلا ألامه وهو يحاول النهوض)يا ممررررضة،يا حراس..!دكتورر قصييي..!ما في زول سامعني..!(ليأتيه احد الحراس)
_في حاجة؟
_نور..(قاطعه صوت الضجة خارج الغرفة "ركبوا الأكسجين بسرعة،زول ينادي الدكتور،في ضربة في الرأس،محتاجين دم،نزفت كتير..!")في شنو زول يشوف لي الحاصل برا شنو..!
_(جاءه وتكاد أنفاسه تنقطع)فريد لقينا نور..!
_وين؟كويسة هي؟اكيد ما حصل ليها حاجة صح؟
_عايزك تهدأ كدة وتروق معاي عشان افهمك الحصل..!
_اتأخرنا؟ما عرفت احميها برضو؟حتى فدي فشلت..!
_لقوها قدام المستشفى..!وما أكذب عليك حالتها صعبة جدا في أضرار فكل أنحاء جسمها ومافي مكان فوجهها ما فيهو كدمة ولا محمر وعندها جرح فراسها عميق جدا وحاليا داخلين على عملية مع دكتور قصي يا ريت تدعي ليها..!
_حتموت؟ما المفروض تموت..!ما عايز يقولوا ماتت فوجود الرائد وما قدر يعمل حاجة اتخطفت قدام عيونه وكان بيتفرج وهو ساكت.!
_ان شاء آلله حتقوم بالسلامة..!
